جنوبی ترکیہ میں ایک مسافر بس پہلے سے سڑک حادثے میں بچاو کا کام کرنے والی ہنگامی ٹیموں سے ٹکرا گئی جس کے نتیجے میں کم از کم 15 افراد ہلاک اور 22 زخمی ہو گئے۔ وزیر داخلہ نے ہفتے کے روز ایک ٹویٹ میں لکھا کہ تین فائر فائٹرز، دو پیرا میڈیکس اور دو صحافی اس درد ناک حادثے میں ہلاک ہونے والوں میں شامل ہیں۔ انہوں نے مزید کہا کہ دیگر آٹھ اموات مسافر بس میں ہوئیں۔Bus Collides at Accident Site in Turkey
گازیانٹیپ کے گورنر داوت گل نے گازیانٹپ کے مشرق میں سڑک پر جائے حادثہ سے کے بارے میں بتایا کہ آج صبح تقریباً 10:45 پر یہاں ایک مسافر بس کا حادثہ پیش آیا، جب فائر بریگیڈ، طبی ٹیمیں اور دیگر ساتھی حادثے میں بچاو کا کام کر رہے تھے کی اسی وقت ایک اور بس ٹکرا گئی۔
ترک خبر رساں ایجنسی نے کہا کہ اس کے دو صحافی ابتدائی حادثے کے متاثرین کی مدد کرتے ہوئے ہلاک ہو گئے۔ الجزیرہ نیوز کے مطابق ترکیہ کا روڈ سیفٹی کا ریکارڈ کافی زیادہ خراب ہے۔ حکومت کے مطابق گزشتہ سال ٹریفک حادثات میں تقریباً 5,362 افراد ہلاک ہوئے ہیں۔
