حیدرآباد: ریتک روشن اور سیف علی خان کی فلم وکرم ویدھا کا پہلا گانا الکوہلیا ہفتہ (17 ستمبر) کو ریلیز کیا گیا ہے۔ گانے میں ریتک روشن کا بنداس انداز دیکھنے کو مل رہا ہے۔ وشال شیکھر کے میوزک سے سجے اس گانے کے بول مشہور گیت نگار منوج منتشر نے لکھے ہیں۔ اس نغمے کو وشال شیکھر، اسنگدھا بھومک اور اننیا چکرورتی نے گایا ہے۔Alcoholia Song OUT
اس نغمے میں ریتک روشن کا مزاحیہ انداز قابل دید ہے اور وہ ہمیشہ کی طرح اس نغمہ میں بھی اپنے ڈانس کا جادو بکھیرتے ہوئے نظر آئیں گے۔
واضح رہے کہ ریتک روشن اور سیف علی خان کی فلم 'وکرم ویدھا' ہندوستانی سنیما کی تاریخ میں ایک نیا ریکارڈ بنانے جارہی ہے۔ 'وکرم ویدھا' بھارتی سنیما کی پہلی ایسی فلم بننے جا رہی ہے، جو دنیا کے 100 سے زائد ممالک میں ریلیز ہوگی۔ اس فلم کی ریلیز میں ابھی 15 دن باقی ہیں۔ یہ فلم 30 ستمبر 2022 کو ریلیز ہوگی۔
- " class="align-text-top noRightClick twitterSection" data="">
22 یورپی اور 27 افریقی ممالک میں ریلیز ہوگی
ترن آدرش اور دیگر فلمی تجزیہ کاروں کے مطابق 'وکرم ویدھا' دنیا کے 100 سے زائد ممالک کے سینما گھروں میں ریلیز کی جائے گی۔ رپورٹس کے مطابق 'وکرم ویدھا' شمالی امریکہ، برطانیہ، مشرق وسطیٰ کے ممالک، آسٹریلیا اور نیوزی لینڈ کے ساتھ یورپ کے 22 ممالک اور افریقہ کے 27 ممالک میں ریلیز ہونے جا رہی ہے۔
- " class="align-text-top noRightClick twitterSection" data="
">
واضح رہے کہ 'وکرم-ویدھا' اسی نام سے سال 2017 میں آئی تمل فلم 'وکرم-ویدھا' کا آفیشل ہندی ریمیک ہے۔ اس فلم کی ہدایت کاری بھی پشکر گایتری نے کی ہے۔ تمل فلم میں اداکار آر مادھون اور وجے سیتھوپتی مرکزی کردار میں تھے۔ فلم کی کہانی کے بارے میں بات کریں تو یہ اچھے اور برے میں فرق کرنا سکھاتی ہے، کیا صحیح اور کیا غلط۔
