ضلع پلوامہ کے راجپورہ میں گولی مارکر خودکشی کرنے والے پولیس اہلکار کی شناخت سیپوئے اسٹیفن کے طور پر ہوئی ہے۔
انہوں نے یہ قدم کیوں اٹھایا اس کی تحقیقات کی جارہی ہیں۔
تفصیلات کے مطابق جموں و کشمیر کے گرمائی دارالحکومت سری نگر سے 40 کلومیٹر دور راجپورہ اونتی پورہ میں ایک فوجی کیمپ کے اندر ایک فوجی جوان نے مبینہ طور پر اپنے آپ کو گولی مار کر خود کشی کی۔
سرکاری ذرائع نے بتایا کہ راجپورہ اونتی پورہ میں فوج کے 42 آر آر کیمپ کے اندر ایک اہلکار جس کی شناخت سپوئے اسٹیفن کے بطور ہوئی ہے نے مبینہ طور پر خود کو اپنی سروس رائفل سے گولی مار کر خودکشی کی ہے۔
اونتی پورہ پولیس اسٹیشن اس واقعے کی نسبت کیس درج کر کے تحقیقات شروع کر دی گئی ہے۔ پولیس کا کہنا کہ ابھی اس بات کا پتہ نہیں چلا ہے کہ آخر فوجی اہلکار نے یہ انتہائی قدم کیوں اٹھایا۔
