جموں وکشمیر کے گرمائی دالحکموت سرینگر کے مائسمہ علاقے میں مشتبہ عسکریت پسندوں نے فائرنگ کی جس کے نتیجے میں 2 سی آر پی ایف اہلکار زخمی ہوئے جنہیں علاج ومعالجہ کی خاطر فوری طورپر نزدیکی ہسپتال منتقل کیا گیا تاہم ڈاکٹروں نے ایک کو مردہ قرار دیا ۔زخمیوں کی شناخت اے ایس آئی نرنجن سنگھ اور کانسٹیبل وشال کے طور پر ہوئی ہے۔
صدر ہسپتال سرینگر کے سپر انٹنڈنٹ ڈاکٹر کنول جیت سنگھ نے بتایا کہ دو سی آر پی ایف اہلکاروں کو زخمی حالت ہسپتال لایا گیا جن میں سے ایک زخموں کی تاب نہ لا کر چل بسا ۔مہلوک اہلکار کی شناخت وشال کے بطور ہوئی ہے۔
سی آرپی ایف کے ترجمان ’ابھے رام‘ نے بتایا کہ مائسمہ میں عسکریت پسندوں کے حملے میں دو اہلکار زخمی ہوئے جنہیں ہسپتال منتقل کیا گیا تاہم ایک اہلکار زخموں کی تاب نہ لا کر دم توڑ دیا۔ انہوں نے بتایا کہ حملے کے بارے میں مزید تفصیلات حاصل کی جارہی ہیں۔
دریں اثنا حساس علاقے مائسمہ میں دو سی آر پی ایف اہلکاروں پر فائرنگ کے بعد سیول لائنز علاقوں میں اضافی نفری کو تعینات کیا گیا ہے۔ سرینگر کے لالچوک اور اس کے ملحقہ علاقوں میں عارضی ناکے لگائے گئے جہاں پر گاڑیوں اور ان میں سوار مسافروں کی باریک بینی سے تلاشی لی جارہی ہیں۔سیکورٹی فورسز اہلکار مشکوک نظر آنے والے راہگیروں کو بھی روک کر ان کی جامہ تلاشی اور ان کے شناختی کارڈ باریک بینی سے چیک کرنے کے بعد انہیں اپنے اپنے منزلوں کی طرف جانے کی اجازت دیتے تھے۔
مزید پڑھین:
پولیس ذرائع نے بتایا کہ مائسمہ سرینگر میں ملی ٹینٹوں نے دو سی آر پی ایف اہلکاروں پر نزدیک سے گولیاں چلائیں۔انہوں نے بتایا کہ حملے کے بعد سی آر پی ایف اور پولیس کے سینئر افیسران جائے موقع پر پہنچے اور آس پاس علاقوں کا جائزہ لینے کے بعد اندرونی علاقوں میں تلاشی آپریشن شروع کیا۔
