جموں و کشمیر کے سرحدی ضلع کشتواڑ میں پولیس نے سابق عسکریت پسند کو گرفتار کرنے کا دعویٰ کیا ہے۔پولیس کے مطابق گرفتار شخص کی شناخت دولا عرف جمیل ولد غلام بکروال ساکن ارنس ریاسی کے طور پر کی گئی ہے۔
پولیس کے مطابق مذکورہ شخص ضلع ریاسی سے گزشتہ 19 برسوں سے فرار تھا اور کشتواڑ کے چھاترو میں بکروال کے طور پر مال مویشی کے ساتھ پکڑا گیا۔
پولیس نے پریس بیان جاری کرکے بتایا کہ اس کے خلاف پولیس تھانہ چھاترو میں ایف آئی آر (38/2002)انڈر سیکشن (435/120B/RPC7/27IA) کے تحت کیس درج کیا گیا ہے۔
پولیس بیان میں مزید کہا گیا کہ گرفتار شدہ عسکریت پسند کو سیشن کورٹ کشتواڑ کے سامنے پیش کیا گیا اور عدالت کی ہدایات پر اس کو عدالتی حراست میں رکھا گیا ہے۔
- مزید پڑھیں:کشتواڑ: مشک بالا کے تین تھیلے ضبط
ہم آپ کو بتادیں اس سے پہلے بھی کشتواڑ پولیس نے بارہ برسوں سے فرار سابق عسکریت پسند نظیر احمد کو گرفتار کرنے کا دعویٰ کیا ہے۔
