سرینگر: جموں و کشمیر وقف بوڈ کی چیئر پرسن درخشاں اندرابی نے کہا کہ بورڈ نے سرینگر کے عیدگاہ میں کینسر ہسپتال بنانے کا منصوبہ بنایا ہے۔ انہوں نے کہا کہ عیدگاہ میں 70 کنال اراضی کی نشاندہی کی گئی ہے جہاں ہسپتال تعمیر کیا جائے گا۔ Jammu and Kashmir Waqf Board واضح رہے کہ عیدگاہ علاقہ سرینگر کے شہر خاص میں 600 کنال اراضی پر محیط ہے جہاں شہر کے لوگ نماز عیدیں ادا کرتے ہیں، یہیں پر میر واعظ عمر فاروق نمازیوں کی امامت کے فرائض انجام دے رہے تھے۔ عیدگاہ کے صحن میں مزار شہداء بھی ہے۔
درخشاں اندرابی نے کہا دو سو کروڑ روپے کی لاگت سے کینسر ہسپتال تعمیر کیا جائے گا جو بورڈ اور نجی سیکٹر کا مشترکہ پروجیکٹ ہوگا۔ انہوں نے کہا کہ اس کام کے لیے بورڈ نے مرکزی وزیر داخلہ امت شاہ کو ہسپتال کا سنگ بنیاد رکھنے کی گزارش کہ ہے اور امکان ہے کہ اس ماہ کے اواخر میں امت شاہ اپنے دورے کے دوران اس کا سنگ بنیاد رکھیں گے۔ Foundation Stone of Cancer Hospital
قابل ذکر ہے کہ بی جے پی رہنما درخشاں اندرابی کو مرکزی حکومت نے چند ماہ قبل وقف بورڈ کا چیئرپرسن بنایا ہے اور اسکے بعد انہوں نے بورڈ میں کئی اقدامات اٹھانے کے بیانات دیئے ہیں۔
