جموں وکشمیر کے ضلع رامبن کے سب ڈویژن رامسو کے ضلع ترقیاتی کونسلر اے بشیر احمد نائیک نے رامبن کے عوامی دربار کے بعد تعمیرات عامہ اور پردھان منتری گرامین سڑک یوجنا کے تعمیراتی کاموں کا جائزہ لیا۔
اے بشیر احمد نائیک نے کہا کہ 'سڑکوں پر تارکول بچھانے کا کام جاری ہے اور مزید سڑکیں تعمیر کرنے کے لیے محکمہ نے ٹنڈر نکالے ہیں۔'
انہوں نے ضلع ترقیاتی کمشنر کا شکریہ ادا کرتے ہوئے مطالبہ کیا کہ 'رامسو علاقہ نیل کی بیشتر پنچایتوں میں پینے کے صاف پانی کی قلت ہے اور ان علاقوں میں اس جدید دور میں بھی بجلی کا نظام درہم برہم ہے۔ یہاں فوری بنیادی سہولیات مہیا کی جائے۔'
یہ بھی پڑھیں: رام بن: اکیسویں صدی میں بھی لوگ رابطہ سڑک سے محروم
انہوں نے بغیر نام لیے کہا کہ 'علاقے کے کچھ لیڈران نے کئی سالوں سے گرامین آواس یوجنا کے نام پر دھاندلیاں کی ہے۔ انہوں نے ضلع انتظامیہ سے تحقیقات کا بھی مطالبہ کیا ہے۔
