نوئیڈا: اترپردیش کے نوئیڈا ٹریفک پولیس نے ہیلمٹ مین راگھویندر کمار کے ساتھ مل کر ایک نئی پہل شروع کی ہے، ضلع میں ہیلمٹ بینک شروع کیا گیا ہے، جس میں لوگوں کو مفت ہیلمٹ دیا جائے گا۔ اس کا مقصد لوگوں کو بیدار کرنا ہے تاکہ سڑک حادثات میں ہونے والی اموات پر قابو پایا جا سکے۔
ہیلمٹ مین راگھویندر کمار نے بتایا کہ نوئیڈا میں ہیلمٹ بینک شروع ہوا ہے، بغیر ہیلمٹ کے حادثات میں لوگ اپنی جان گنوا چکے ہیں۔ لوگوں کو ہیلمٹ کے حوالے سے آگاہی بھی کی جائے گی اور ڈپلیکیٹ ہلمٹ سے بھی بچنے کی ترغیب دی جائے گی تاکہ اس سے ہونے والے نقصان سے لوگوں کو باور کرایا جا سکے۔ اس ہیلمٹ بنک سے لوگ فائدہ اٹھا سکتے ہیں۔ اب اگر کوئی باہر کا آدمی کچھ دنوں کے لیے نوئیڈا آتا ہے اور اگر اس کے پاس ہیلمٹ نہیں ہے تو وہ 1 ہفتے کے لیے ہیلمٹ بینک سے مفت ہیلمٹ لے سکتا ہے۔ سب سے پہلے ہیلمٹ بنک کی شروعات گریٹر نوئیڈا کے پری چوک سے ہوئی ہے۔لوگوں کو ہیلمٹ مفت ملے گا ۔ہیلمٹ حاصل کرنے کے لیے لوگوں کو صرف آدھار کارڈ دکھانا ہوگا۔
یہ بھی پڑھیں: نوئیڈا: ملک کی آزادی کے 75 سال بعد بھی کسان غلام ہیں: ٹھاکر بھانو پرتاپ
مظفرنگر میں 76 لاکھ کی چوری میں ملوث چار افراد گرفتار
وہیں ڈی سی پی ٹریفک گنیش شاہا نے بتایا کہ ہیلمٹ بینک کی شروعات ہیلمٹ مین راگھویندر کمار نے کی ہے، اگر کوئی شخص جلدی میں یا کچھ دنوں کے لیے نوئیڈا آتا ہے تو وہ نوئیڈا ہیلمٹ بینک سے چند دنوں کے لیے لازمی دستاویز دے کر آپ اسے ساتھ لے جا سکتے ہیں، اس مہم میں نوئیڈا ٹریفک پولیس ہیلمٹ والے کے ساتھ مکمل تعاون کرے گا۔
