سری نگر: شمالی کشمیر کے اوڑی قصبہ کے گواشعر علاقے میں آدم خور تیندوے نے کمسن لڑکی پر حملہ کرکے اُس کو اپنے ساتھ لے چلا گیا۔ پولیس، فوج اور مقامی لوگوں کی جانب سے بچی کو تلاش کرنے کی خاطر بڑے پیمانے پر ریسکیو آپریشن شروع کیا گیا۔ اطلاعات کے مطابق جمعے کی شام اوڑی کے گواشعر علاقے میں تیندوے نے چھ سالہ کمسن لڑکی کو گھرکے صحن سے اُٹھا کر جنگل کی طرف لے چلا گیا۔ Leopard takes away minor girl in Uri
معلوم ہوا ہے کہ اہل خانہ نے کمسن لڑکی کو تیندوے کے چنگل سے بچانے کی انتھک کوشش کی تاہم وہ اُس میں ناکام ثابت ہوئے ۔ اہل خانہ کی جانب سے شور مچانے کے بعد آس پاس رہائش پذیر گھروں سے باہر آئے اور کمسن لڑکی کو تلاش کرنے کی خاطر جنگل کی طرف دوڑ پڑے۔
یہ بھی پڑھیں: Leopard attack : تیندوے کے حملے میں کمسن بچی زخمی
کمسن لڑکی شناخت منزا دختر عمران بیگ کے بطور ہوئی ہے۔ پولیس کے ایک آفیسر نے واقعے کی تصدیق کرتے ہوئے بتایا کہ علاقے میں بڑے پیمانے پر تلاشی آپریشن جاری ہے۔
یو این آئی
