وہیں اگرچہ جموں کشمیر انتطامیہ نے کئی اضلاع میں اس بیماری سے نمٹنے کے لئے کووڈ ہسپتال تعمیر کرنے کا فیصلہ کیا تاکہ عام مریضوں کو مشکلات پیش نہ آئے۔
کورونا واٸرس سے نمٹنے کے لئے جہاں انتظامیہ آئے روز کئی سارے اقدامات اُٹھا رہی ہے تاکہ اس مہلک بیماری کا خاتمہ کیا جا سکے وہی ضلع انتظامیہ پلوامہ بھی کافی سنجیدہ نظر آرہی ہے۔
اگر ہم بات کریں ضلع پلوامہ کی جہاں انتظامیہ نے کووڈ پر قابو پانے کے لئے ہر طرح کے اقدامات کر رکھے ہیں ۔وہیں ضلع انتظامیہ کی جانب سے ان دنوں نیوکالونی پلوامہ میں 200 بستروں پر مشتمل کووڈ اسپتال پر شدومد سے کام جاری ہیں تاکہ کووڈ بیماری میں مبتلا مریضوں کو کسی طرح کی پریشانی کا سامنا نہ کرنا پڑے۔
ضلع میں تعمیر ہو رہے اس کووڈ اسپیشل ہسپتال میں مریضوں کے لئے ہر طرح کی سہولیات میسر رکھی جائے گی۔
ہسپتال میں آکسیجن سپلائی کے ساتھ ساتھ جدید طرز کے تمام سہولیات مریضوں کو میسر رکھنے کا اندازہ لگایا جا رہا ۔
واضع رہے کہ ضلع میں پہلے ہی مریضوں کے لئے تمام سہولیات دستیاب رکھی گئی ہے اور کووڈ پر مکمل طور قابو پانے کے لئے اب اس نئے ہسپتال کی تعمیر عمل میں لاٸی جارہی ہے تاکہ ضلع کے مریضوں کو دکتوں کا سامنا نہ کرنا پڑے۔
اس دو سو بستروں پر مشتمل اسپتال تیار ہونے کے بعد ضلع کے عام ہسپتالوں کو کووڈ ہسپتالوں میں تبدیل کرنے کے بجائے عام لوگوں کے لئے کھلا رکھا جائے گا جس سے عام لوگوں کو راحت ملے گی۔
یہ بھی پڑھیں:
سرینگر: 50 بیڈز پر مشتمل کووڈ ہسپتال عوام کو وقف
وہی عام لوگوں کے ساتھ ساتھ سول سوسائٹی کے ممبران نے انتظامیہ کے اس اقدام کا شکریہ ادا کیا۔ انہوں نے کہا کہ ضلع ہسپتال پلوامہ میں تین اضلاع کے مریضوں کو علاج کیا جارہا جس کی وجہ سے ہسپتال میں کافی بیڈ ہوتی ہے۔اور رواں سال اس ہسپتال کو کورونا وائرس ہسپتال مختص کرنے کے بعد تینوں اضلاع کے عام مریضوں کو کافی مشکلات کا سامنا کرنا پڑا تھا۔
لوگوں کے مطابق اب ضلع پلوامہ میں کووڈ کے لیے الگ ہسپتال بنایا گیا ہے جس سے عوام کو فائدہ ملے گا۔
انہوں نے انتظامیہ سے اپیل کی ضلع پلوامہ میں بچوں کے لئے اسی طرز پر ہسپتال قائم کیا جائے تاکہ تینوں اضلاع کے لوگ اس سے مستفید ہو سکے۔انہوں نے کہا کہ یہ وقت کی اہم ضرورت ہے۔
