حالیہ دنوں پہاڑی علاقوں میں ہوئی شدید برفباری کے نتیجے میں لہنون مرگن ٹاپ کی سڑکیں کئی دنوں تک بند رہنے کے بعد ٹریفک کی آمدورفت کے لیے بحال کردی گئی ہیں۔ سڑک سے برف ہٹانے کے بعد وائڑون کے ہزاروں لوگوں نے راحت کی سانس لی۔
پردھان منتری گرام سڑک یوجنا کے جونیئر انجینئر مدثر احمد نے ای ٹی وی بھارت کو بتایا کہ مذکورہ سڑک سردیوں کے ایام میں تقریباً چھے ماہ تک بند رہتی ہیں۔
انہوں نے کہا کہ رواں سال کے اکتوبر میں ہوئی برفباری نے ان کے سامنے کافی چیلنج کھڑے کر دیے ہیں جن سے نمٹنے کے لئے پی ایم جی ایس وائی پوری طرح تیار تھی۔
مزید پڑھیں: تازہ برف باری کی وجہ سے گریز بانڈی پورہ روڈ ایک بار پھر بند
جے ای کا کہنا ہے کہ مرگن ٹاپ پر تقریباً ڈھائی فٹ برف جمع تھی جسے ہٹانے کے لیے انہیں کئی روز تک کافی محنت کرنی پڑی اور فی الحال اسے لوگوں کی آمد و رفت کے لیے بحال کردیا گیا ہے۔ عوامی حلقوں نے پی ایم جی ایس وائی کے اس اقدام کی تعریف کی۔
