یو پی ایس سی امتحان کے نتائج کا اعلان آج ہو گیا ہے۔ اس میں شوبھم کمار نے سول سروسز امتحان 2020 میں ٹاپ کیا۔ وہیں جاگریتی اوستھی اور انکیتا جین نے بالترتیب دوسری اور تیسری پوزیشن حاصل کی ہے۔
اس فہرست میں 23 واں رینک حاصل کرنے والی روڑکی کی صدف چودھری ہیں، جنہوں نے دوسری بار میں یو پی ایس سی امتحان میں کامیابی حاصل کی۔
صدف کے مطابق وہ روز 8 سے 10 گھنٹے امتحان کی تیاری گذشتہ 2 برس سے کر رہی تھیں، انہوں نے بغیر کوچنگ کے یہ کامیابی حاصل کی ہے۔
صدف نے بتایا کہ انہیں امید تو تھی کہ وہ کامیاب ہوں گی البتہ 23 وہ مقام انہوں نے نہیں سوچا تھا، اس کامیابی سے صدف کا پورا خاندان کافی خوش ہے۔
قابل ذکر ہے کہ یونین پبلک سروس کمیشن (یو پی ایس سی) کی جانب سے جنوری 2021 میں منعقدہ سول سروسز امتحان 2020 کے تحریری حصے اور اگست-ستمبر 2021 میں منعقد پرسنالٹی ٹیسٹ کے لیے انٹرویو کے نتائج کی بنیاد پر انڈین سول سروسز، انڈین فارن سروسز، انڈین پولیس سروسز اور سینٹرل سروسز، میں تقرری کے لیے شام کے وقت حتمی نتائج کا اعلان کیا ہے۔
اس میں 545 مرد اور 216 خواتین سمیت کل 761 امیدواروں نے کامیابی حاصل کی ہے اور کل ملا کر 761 امیدواروں کی تقرری کے لیے سفارش کی گئی ہے۔
یہ بھی پڑھیں: آئی آئی ٹی گریجویٹ شبھم کمار نے سول سروسز امتحان میں ٹاپ کیا
