بیوہ خواتین کو وظیفہ نہیں ملنے پرعثمان خان گھڑیالی نے درگاہ کمیٹی کے خلاف آوازاٹھائی - stipend for widows

دفتر ناظم درگاہ خواجہ صاحب اجمیر میں ایک خط دیا ہے۔ جس میں واضح طور پر لکھا گیا ہے کہ اگر درگاہ کمیٹی نے بیواوں کی موجودہ پنشن سمیت 8 ماہ کی بقیہ پنشن 7 دن کے اندر نہ دی تو بیواؤں کے ساتھ شہری احتجاج کریں گے، عثمان گھڑیالی نے بتایا کہ درگاہ کمیٹی زائرین سے بیواؤں کو پنشن دینے کے نام پر اپیل کرتی ہے اور رقم بٹور رہی ہے۔ ایسے میں بیواؤں کو پنشن دینے کا حکم جلد ناظم کے دفتر سے جاری کیا جائے۔

اجمیر : راجستھان کے اجمیر درگاہ مروسی آملہ کے رکن عثمان خان گھڑیالی نے درگاہ کمیٹی کے خلاف آواز اٹھائی ہے۔ انہوں نے درگاہ کمیٹی پر بیواؤں کے نام پر چندہ لینے اور انہیں گزشتہ 8 ماہ سے پنشن نہ دینے کا الزام عائد کیا ہے۔

اس سلسلے میں انہوں نے 26 مئی کو دفتر ناظم درگاہ خواجہ صاحب اجمیر میں ایک خط دیا ہے۔ جس میں واضح طور پر لکھا گیا ہے کہ اگر درگاہ کمیٹی نے بیواوں کی موجودہ پنشن سمیت 8 ماہ کی بقیہ پنشن 7 دن کے اندر نہ دی تو بیواؤں کے ساتھ شہری احتجاج کریں گے، عثمان گھڑیالی نے بتایا کہ درگاہ کمیٹی زائرین سے بیواؤں کو پنشن دینے کے نام پر اپیل کرتی ہے اور رقم بٹور رہی ہے۔ ایسے میں بیواؤں کو پنشن دینے کا حکم جلد ناظم کے دفتر سے جاری کیا جائے اور غریب اور بے سہارا لوگوں کو حق دیا جائے۔ بزرگ بیوہ بلقیس کے مطابق انہیں 45 ڈگری شدید گرمی میں چشتی نگر سے اجمیر پینشن لینے کے لیے چکر لگانے پڑ رہے ہے ،جو کہ انہیں کئی مہینوں سے نہیں ملرہی ہے یہی وجہ ہے کہ وہ گھر کی دشواریوں کو مدنظر رکھتے ہوئے بار بار درگاہ کمیٹی دفتر کے چکر لگا کر پینشن دیے جانے کی گزارش کر رہی ہے۔

عثمان گھڑیالی نے درگاہ دفتر میں درخواست دے کر صاف واضح کر دیا ہے کہ اگر سات روز میں بیواوں کی پینشن دوبارہ شروع نہیں کی گئی تو وہ بیواوں اور شہریوں کےساتھ مل کر درگاہ دفتر کے باہر احتجاجی مظاہرہ کرینگے۔