بنگلور:ملک کی دوسری ریاستوں کی طرح کرناٹک میں طلبا تنظیم ایس آئی ایف نے کسانوں کی تحریک کی حمایت کرتے ہوئے مرکز میں بی جے پی کی قیادت والی حکومت کی جم کر تنقید کی۔ کرناٹک کی متعدد طلبہ تنظیموں کی جانب سے شمالی ہند کی ریاستوں میں جاری کسانوں کی تحریک کے خلاف یکجہتی کا اظہار کرتے ہوئے بنگلور میں ایک زبردست احتجاج منعقد کیا گیا۔
احتجاج کرنے والے طلباء نے کہا کہ فارمنگ و فارمرس دیش کی معیشت کی ریڑھ کی ہڈی ہیں اور مودی حکومت اسے توڑنے پر آمادہ ہے۔اس موقع پر طلباء نے کسانوں کے ساتھ مودی سرکار کے رویہ کو انتہائی ظالمانہ قرار دیا کیونکہ اس کی ایجنسیاں احتجاج کرنے والے کسانوں پر آنسو گیس کا استعمال کر رہی ہے۔
یہ بھی پڑھیں:اب کسان 6 مارچ کو دہلی کی طرف کوچ کریں گے اور 10 مارچ کو ٹرین روکیں گے
احتجا کرتے طلباء نے مرکزی حکومت سے کسانوں کے مطالبات پر فوری توجہ دینے اور سوامی ناتھن کمیشن کی رپورٹ کو لاگو کرنے پر زور دیا اور خبردار کیا کہ بی جے پی حکومت کی رام مندر کی آڑ میں کسانوں کے مسائل سمیت اصل مسائل سے لوگوں کو ہٹانے کی کوششیں کامیاب نہیں ہوں گی۔ احتجاج کرتے طلبا نے کہا کہ ملک کے نوجوانوں کو عمدہ تعلیم و نوکری چاہیے تاکہ وہ اپنی تعلیم مکمل کرنے کے بعد موضون کام میں مصرعف ہوسکیں۔
