اورنگ آباد: مجلسِ اتحاد المسلمین کے صدر اسد الدین اویسی ان دنوں اورنگ آباد دورے پر ہیں، اورنگ آباد پارلیمانی سیٹ سے پارلیمان سید امتیاز جلیل دوبارہ پارلیمانی سیٹ سے انتخاب لڑ رہے ہیں، ان ہی کی تشہیر میں اسد الدین اویسی گلی گلی گھوم کر اور اجلاس کر کے امتیاز جلیل کے حق میں ووٹ ڈالنے کے لیے عوام سے اپیل کر رہے ہیں۔ اسد الدین اویسی نے اورنگ آباد شہر کے عام خاص میدان میں جلسۂ عام سے خطاب کیا۔ جہاں پر لوگوں کے سروں کا سمندر دکھائی دے رہا تھا، اسد الدین اویسی کو سننے کے لیے دور دراز علاقوں سے بھی لوگ جامعہ کاشف العلوم کے دامن میں واقع عام خاص میدان پہنچے تھے۔ اسد الدین اویسی نے جلسہ سے خطاب کرتے ہوئے ریاستی حکومت کے ساتھ ساتھ مرکزی حکومت اور انڈیا الائنس پر شدید نُکتہ چینی کی۔
یہ بھی پڑھیں:
اسد الدین اویسی نے مہاراشٹر کی 48 سیٹوں میں سے ایک بھی مسلمان مسلم امیدوار کو ٹکٹ نہ دینے پر ناراضگی ظاہر کی، اویسی نے کہا کہ کئی ساری سیاسی پارٹیوں کے مسلم امیدواروں نے کہا کہ مہاراشٹر میں ایک کروڑ کی مسلم آبادی ہے لیکن اس ایک کروڑ میں سے ایک بھی پارلیمانی سیٹ سے مسلم امیدوار کو ٹکٹ نہیں دیا گیا۔ ساتھ ہی اسد الدین اویسی نے کہا کہ مہاراشٹر میں صرف واحد امتیاز جلیل ہی رکن پارلیمان بنے تھے لیکن اب ان سیاسی پارٹیوں کے پیٹ میں درد ہو رہا ہے۔ اسی لیے مہاراشٹر کی مہایوتی اور مہا وکاس اگھاڑی کے لوگ امتیاز جلیل کو گرانے کی بات کر رہے ہیں، اور پوری کوشش کر رہے ہیں کہ امتیاز جلیل کو پارلیمانی انتخابات میں کس طرح گرایا جائے۔
اویسی نے کہا امتیاز جلیل اورنگ آباد پارلیمانی سیٹ سے 30 سال بعد کامیاب ہوئے تھے، یہی وجہ ہے کہ وہ یہ بات تمام سیاسی پارٹیوں کو ہضم نہیں ہو پا رہی ہے۔ اسد الدین اویسی نے کہا ہے کہ کئی سارے لوگ ہمیں کہتے ہیں کہ آپ انڈیا الائنس سے کیوں نہیں جڑے؟ اس کا جواب دیتے ہوئے اسد الدین اویسی نے کہا کہ امتیاز جلیل نے خود تین بار انڈیا الائنس میں شامل ہونے کی بات کی تھی، لیکن انڈیا الائنس کے لیڈروں نے ہمیں شامل نہیں کیا اور ان لوگوں کا کہنا ہے کہ آپ مذہب کے نام پر انتخابات لڑتے ہیں اور ہمیں سیکولر چاہیے۔
اسد الدین اویسی نے خواتین کے زیورات پر بات کرتے ہوئے کہا کہ اگر ہم گزشتہ 5 سالوں کی بات کریں تو آر بی آئی کی رپورٹ کے مطابق ملک کی خواتین کا ایک لاکھ کروڑ کے زیورات بینکوں میں گروی رکھا ہوا ہے، اور انہوں نے کن مجبوریوں کے تحت رکھا ہے یہ پتہ نہیں۔ اسد الدین اویسی نے چین کے بارے میں بات کرتے ہوئے کہا کہ چین ہمارے بارڈر کی زمین پر قبضہ کرتے جا رہا ہے، اور حکومت اس جانب توجہ نہیں دے رہی ہے۔ ہم نے کئی بار جن کے تعلق سے آواز بھی اٹھائی ہے لیکن حکومت کس وجہ سے نظر انداز کر رہی ہے یہ پتہ نہیں۔
اسد الدین اویسی نے اپنی تقریر کے بعد ایم پی امتیاز جلیل کے گزشتہ پانچ سالوں کے ترقیاتی کاموں کی کتاب کا اجرا بھی کیا، اویسی نے کہا کہ ایم پی امتیاز جلیل نے شہر میں جو بھی ترقیاتی کام کیے ہیں اس کتاب میں اس کی پوری معلومات دی گئی ہیں، اور لوگوں کو بھی یہ کتاب پڑھنی چاہیے اور پڑھنے کے بعد ہی امتیاز جلیل کو ووٹ کریں کہ انہوں نے شہر میں کون کون سے ترقیاتی کام کیے ہیں۔
