بیدر: بیدر ضلع کے تعلقہ بسوا کلیان میں سولیڈریٹی یوتھ موؤمنٹ sym کی ضلعی کانفرنس منعقد ہوئی، جس کا آغاز قاری سید سلام اللہ بیدر کی تلاوت قرآن پاک سے ہوا۔ افتتاحی کلمات الطاف امجد ضلعی صدر sym بیدر نے ادا کیے۔ اقبال غازی ناظم ضلع جماعت اسلامی ہند ضلع بیدر نے نوجوانوں کے مسائل اور ان کا آسان حل کی طرف توجہ دلائی۔ اس موقع پر نوجوان sym کو آمید اور حوصلہ دینے والا ترانہ بلال احمد نے پیش کیا۔ نوجوانوں کے لیے پینل ڈسکشن ہندوستان کا سیاسی منظر نامہ اور نوجوان کے عنوان پر ہوا۔ جس میں نوجوانوں اور سیاست پر بحث کی گئی۔ پینل ڈسکشن میں حصہ لینے والے ذہین اور فکر مند نوجوانوں میں آصف علی بگدل، عرفان احمد بیدر، عامر احمد اوراد، زہیر احمد ہمناآباد، اور محمد ابرہیم بھالکی نے بہت اچھے انداز میں اپنے خیالات کو پیش کیا۔ پینل ڈسکشن کی نگرانی بسواکلیان کے برادر نواز احمد نے کی۔ حمزہ معظم علی گلبرگہ نے کاروبار کیسے کریں؟ عنوان کے تحت ورک شاپ میں، کاروبار کو کامیابی کے ساتھ کس طرح قائم کریں؟ اس پر خطاب کیا۔
یہ بھی پڑھیں:
Digital Governance In Bihar ڈیجیٹل گورننس کا مطلب اور مقاصد سے واقف ہوں نوجوان
محمد رفیق احمد گادگی بیدر ناظم علاقہ جماعت اسلامی ہند گلبرگہ نے تذکیر قرآن پیش کیا۔ sym ضلعی کانفرنس میں ضلع کے تمام sym یونٹ سے ایک ایک نوجوان مختلف صلاحیت اور قابلیت والے ہیں۔ جن کا کردار اچھا ہے اور وہ ملک، قوم اور سماج کی خدمات کر رہے ہیں۔ محمد فیاض بیدر ماسٹر میڈیا، محمد ندیم ہمنا آباد، عبد الباسط اوراد، محمد رفیق احمد انعامدار بھالکی اور منہاج احمد نواب بسواکلیان کو ایوارڈ سے نوازا گیا۔ اس موقع پر مہمان خصوصی کی حیثیت سے ڈاکٹر طہٰ متین بنگلور نے خطاب کیا۔ انہوں نے کہا کہ مسلم نوجوان ملک کے لیے نمک بن جائیں اور اپنا کردار یوسفی ادا کریں۔ ملک کے لیے نفرت کا جواب محبت سے دیں۔
اس موقع پر مہمان خصوصی محمد محتشم باڈی بلڈر حیدر آباد نے کہا کہ نوجوان صحت کے ساتھ ساتھ اخلاق و کردار کو اپنے عملی میدان میں لائیں۔ نوجوانوں سے میں اپیل کرتا ہوں کہ اپنی جوانی بر باد نہ کریں، صحت کی فکر اور رات کو جلد سو کر صبح جلد اٹھیں، نمازوں کی پابندی کے ساتھ ذکر و دعائیں بھی کریں۔ آخر میں صدراتی خطاب لبید شافی، ریاستی صدر سولیڈریٹی یوتھ موؤمنٹ کرناٹک نے کیے۔ انہوں نے کہا کہ نوجوانوں کو سماج اور امت کے لیے حوصلہ پیدا کرنا ہوگا۔انہوں نے امید بڑھانے والے کام کرنے کی اپیل کی اور کہا کہ بلند مقاصد کے لیے کام انجام دیں۔ محمد زبیر احمد گادگی بیدر نے اظہار تشکر پیش کیا۔ اس جلسہ میں محمد ریاض پٹیل صدر sym بسواکلیان، عرفات احمد، جابر احمد، عاصم اختر، قطب الدین، رفیع الدین کے علاوہ بسواکلیان، ہمنا آباد، بیدر، اوراد، بھالکی، بگدل، کمتھانا، سے نوجوانوں کی کثیر تعداد شریک تھی۔ ضلعی کانفرنس کے نظامت کے فرائض برادر بلال احمد نے انجام دیے۔
