کولکاتا: مرکزی وزیر داخلہ امت شاہ نے کانگریس، بائیں بازو کی جماعتوں اور ترنمول کانگریس پر مبینہ خوشامد کی پالیسی کے تحت ایودھیا میں رام مندر کی تعمیر کی مسلسل مخالفت کرنے کا الزام لگایا اور کہا کہ ان جماعتوں کے لیڈروں کو اس میں شرکت کے لیے مدعو کیا گیا تھا، لیکن ووٹ بینک کھونے کے خوف سے وہ رام للا کی پران پرتشٹھا کی تقریب میں شریک نہیں ہوئے۔
مشرقی بردھمان لوک سبھا سیٹ کے لیے بھارتیہ جنتا پارٹی (بی جے پی) کے امیدوار اور لوک گلوکار آشم سرکار کے حق میں ایک انتخابی ریلی سے خطاب کرتے ہوئے مسٹر شاہ نے کہا کہ وزیر اعلیٰ ممتا بنرجی اور ان کے بھتیجے ابھیشیک بنرجی نے مدعو کیے جانے کے باوجود رام مندر کی پران پرتشٹھا کی تقریب میں شرکت نہیں کی کیونکہ انہیں مغربی بنگال میں دراندازوں کی حمایت کھونے کا خدشہ تھا۔
یہ بھی پڑھیں:کانگریس نے ایک اور فہرست جاری کی، گروگرام سے راج ببراور کانگڑا سے آنند شرما کو ٹکٹ - Congress List
انہوں نے کہا 70 سالوں سے کانگریس، بائیں بازو کی جماعتوں اور ترنمول کے رہنما رام مندر کے معاملے کی مخالفت کر رہے تھے، لیکن جب آپ نے اگلے پانچ سالوں میں بنگال میں 18 سیٹوں کے ساتھ 2019 میں مودی جی کو دوسری مدت کے لیے ووٹ دیا تو مودی جی نےنہ صرف عدالتی معاملہ جیتا بلکہ بلکہ رام مندر کا بھومی پوجن بھی کیا اور آخر کار ایودھیا میں رام للا کی بنیاد رکھی۔ انہوں نے لوگوں سے بی جے پی کے امیدواروں اور وزیر اعظم نریندر مودی کو ووٹ دینے کی اپیل کی۔
