اجمیر:عرس کے موقع پر ملک بھر سے کثیر تعداد میں اجمیر شریف درگاہ پر ہزاروں کی تعداد میں زائرین نے حاضری دی۔ عقیدت مند بھی خصوصی دعا کر اللہ عزوجل کی رضا حاصل کرتے دکھائی دیے۔ اس موقع پر جنتی دروازہ بھی خاص و عام زائرین کے لیے کھولا گیا۔
چشتیہ سلسلے کے بزرگ حضرت خواجہ معین الدین حسن چشتی رحمت اللہ علیہ کے پیر و مرشد حضرت خواجہ عثمان ہارونی کے عرس مبارک پر کثیر تعداد میں اجمیر درگاہ میں زائرین کی رونق دکھی گئی۔درگاہ شریف کے اطراف احاطہ نور اور محفل خانہ میں قل کی فاتحہ اور عرس کی شاہی محفل کا انعقاد ہوا, اس موقع پر جنتی دروازہ بھی علی الصبح فجر سے ظہر تک کھولا گیا۔
یہ بھی پڑھیں:شب قدر کے موقع پر اجمیر شریف میں زائرین کی عبادتیں - Shab E Qadr Night In Ajmer Sharif
انجمن سید زادگان کی جانب سے چشتیہ شجرہ پڑھا گیا اور عقیدت مندوں کے لیے لنگر کا اہتمام بھی کیا گیا۔ غور طلب ہے کہ خواجہ صاحب کے پیر مرشد حضرت خواجہ عثمان ہارونی رحمۃ اللہ علیہ کا مزار مکہ مکرمہ کے جنت المعلی میں واقع ہے۔ رواں برس ان کا یہ 842 عرس مبارک تھا۔اس میں اجمیر شریف درگاہ پر بڑی شان و شوکت کے ساتھ عرس مبارک کا اختتام پذیر ہوا۔
