دبئی:بدھ کو جاری کی گئی تازہ ترین ٹیسٹ بیٹنگ رینکنگ کے ٹاپ 10 میں ہندوستان کا صرف ایک بلے باز شامل ہے۔ وراٹ کوہلی کو دو مقام کا نقصان ہوا ہے اور وہ نویں نمبر پر کھسک گئے ہیں۔ نیوزی لینڈ کے کین ولیمسن 893 پوائنٹس کے ساتھ ٹاپ پر ہیں۔ آسٹریلیا کے سٹیو اسمتھ 818 پوائنٹس کے ساتھ دوسرے، آسٹریلیا کے جو روٹ 799 پوائنٹس کے ساتھ تیسرے نمبر پر ہیں۔ نیوزی لینڈ کے ڈیرل مچل 780 پوائنٹس کے ساتھ چوتھے، پاکستان کے بابر اعظم 768 پوائنٹس کے ساتھ پانچویں، عثمان خواجہ 765 پوائنٹس کے ساتھ چھٹے، سری لنکا کے دیموتھ کرونارتنے 750 پوائنٹس کے ساتھ ساتویں، آسٹریلیا کے مارنس لیبوشگن 74 پوائنٹس کے ساتھ آٹھویں، ہندوستان کے وراٹ کوہلی 744 پوائنٹس کے ساتھ نویں اور انگلینڈ کے ہیری بروک 743 پوائنٹس کے ساتھ دسویں نمبر پر ہیں۔
جسپریت بمراہ 867 پوائنٹس کے ساتھ بولنگ رینکنگ میں سرفہرست ہیں، اس کے بعد آر اشون 846 پوائنٹس کے ساتھ دوسرے نمبر پر ہیں۔ اب دونوں کے درمیان صرف 21 ریٹنگ پوائنٹس کا فرق ہے۔ اس کے بعد کاگیسو ربادا 834 پوائنٹس کے ساتھ پانچویں، پیٹ کمنز 828 پوائنٹس کے ساتھ دوسرے، جوش ہیزل ووڈ 818 پوائنٹس کے ساتھ تیسرے نمبر پر ہیں۔ رویندر جڈیجہ 785 پوائنٹس کے ساتھ چھٹے، پربھات جے سوریہ 738 پوائنٹس کے ساتھ ساتویں، نیتھن لیون 746 پوائنٹس کے ساتھ آٹھویں، کائل جیمسن 743 پوائنٹس کے ساتھ نویں اور جیمز اینڈرسن 742 پوائنٹس کے ساتھ دسویں نمبر پر ہیں۔
ٹی ٹوئنٹی بولنگ رینکنگ میں ہیزل ووڈ چھ مقام چڑھ کر ساتویں نمبر پر پہنچ گئے ہیں۔ وہ ٹاپ 10 میں واحد آسٹریلوی بولر ہیں۔ عادل رشید ٹی-20 رینکنگ میں ٹاپ پر ہیں۔ ان کے بعد سری لنکن اسپن جوڑی وینندو ہسرنگا اور مہیش تھیکشنا کا نمبر آتا ہے۔
یہ بھی پڑھیں:والد کارگل جنگ کے ہیرو تھے بیٹا رانچی ٹیسٹ کا ہیرو نکلا
ٹریوس ہیڈ 18 پوائنٹس کی چھلانگ کے ساتھ 19 ویں نمبر پر ہیں جبکہ آسٹریلیا کو آخری گیند پر 10 گیندوں پر 31 رنز کی اننگز کھیل کر میچ جتوانے والے ٹم ڈیوڈ 22 ویں نمبر پر پہنچ گئے ہیں۔ ٹی ٹوئنٹی بیٹنگ رینکنگ میں سوریہ کمار یادو پہلے، فل سالٹ دوسرے اور محمد رضوان تیسرے نمبر پر ہیں۔
یواین آئی
