چنئی: آئی پی ایل 2024 کا فائنل کولکاتا نائٹ رائڈرز اور سن رائزرز حیدرآباد کے درمیان کھیلا جائے گا۔ اس سے پہلے دونوں ٹیموں کے کپتان آئی پی ایل 2024 کی ٹرافی کے ساتھ فوٹو شوٹ کروا چکے ہیں۔ اس فوٹو شوٹ میں کولکاتا نائٹ رائڈرز کے کپتان شریاس ایر اور سن رائزرس حیدرآباد کے کپتان پیٹ کمنز نظر آ رہے ہیں۔
اس فوٹو شوٹ کی 4 تصاویر انڈین پریمیئر لیگ کے آفیشل ایکس اکاؤنٹ پر پوسٹ کی گئی ہیں۔ ان تصویروں میں ائیر اور کمنز ریت کے درمیان ایک کشتی میں نظر آ رہے ہیں، جہاں دونوں کپتان ٹرافی کے ساتھ تصویر کے لئے پوز دیتے ہوئے نظر آ رہے ہیں۔ اس فوٹو شوٹ کے دوران دونوں کپتانوں کے پیچھے مداحوں کی بڑی بھیڑ دیکھی جا سکتی ہے۔
اس کے علاوہ ایک تصویر میں دونوں کپتان ایک مال کے قریب ایک آٹو میں نظر آ رہے ہیں جہاں ائیر آٹو میں بیٹھے ہوئے ہیں اور کپتان کمنز آٹو کے پیچھے کھڑے نظر آ رہے ہیں۔ اس تصویر میں آئی پی ایل ٹرافی نظر نہیں آ رہی ہے۔
یہ بھی پڑھیں: کولایفائر2 میں راجستھان کو شکست دے کر حیدرآباد آئی پی ایل کے فائنل میں - IPL 2024
اب یہ دونوں ٹیمیں آئی پی ایل 2024 کا فائنل 26 مئی (اتوار) کو چنئی کے ایم اے چدمبرم اسٹیڈیم میں کھیلیں گی۔ اس میچ میں کے کے آر کوالیفائر 1 جیتنے کے بعد آ رہا ہے۔ تو حیدرآبا کی ٹیم بھی راجستھان رائلز کو شکست دے کر فائنل میں پہنچی ہے۔ اب یہ دیکھنا بہت دلچسپ ہوگا کہ ٹرافی کی آخری جنگ میں کس ٹیم کے سر پر آئی پی ایل کا تاج سجے گا ۔
