نئی دہلی: آرمی اسپورٹس انسٹی ٹیوٹ کے گوپی ٹی (2:13:39)، سرینو بی (2:14:59) اور انیش تھاپا (2:16:41) قومی ریکارڈ کو ذہن میں رکھتے ہوئے ایونٹ کے لئے تیار ہیں۔ اس عمل میں انہیں 2:08.10 کے اولمپک کوالیفایکیشن مارک کو حاصل کرنے کی بھی امید ہے۔نرمابین ٹھاکر (2:47:11) اور اشنی جادھو (2:56:41) اس دوڑ میں فعال خواتین رنرز میں شامل ہیں۔
ارمی کے گوپی ٹی نے ای ٹی وی سے بات چیت میں کہا کہ انہیں یقین ہے کہ وہ اس مراتھن دوڑ کے ذریعے اولمپک کا ٹکٹ حاصل کرنے میں کامیاب رہیں گے انہوں نے بھرپور تیاری کی ہے اور دلی کا موسم اور سڑکیں بھی کافی بہتر اور کھیلوں کے لیے سازگار ہے لہذا تمام چیزوں کی موجودگی سے ہمارے مقاصد اور عزائم کو پختگی ملتی ہے۔ مقبول ریس میں فٹنس اسٹار سوہا علی خان بھی اسٹار پاور کے طور پر موجود ہوں گی۔ وہ میراتھن کی قابل فخر برانڈ ایمبیسیڈر ہیں اور اس فہرست میں کرکٹ اسٹار عرفان پٹھان بھی شامل ہیں۔
یہ بھی پڑھیں:چھ سالہ بچی کا آنکھوں پر پٹی باندھ کر اسکیٹنگ، انڈیا بک آف ریکارڈز میں نام کا اندراج
ایتھلیٹکس فیڈریشن آف انڈیا اور فٹ انڈیا کے زیراہتمام منعقد ہونے والی، اپولو ٹائرز نئی دہلی میراتھن نے گزشتہ برسوں میں اپنے قد میں اضافہ کیا ہے اور اسے ملک کی قومی میراتھن کے طور پر پہچانا جاتا ہے۔ دہلی کے سرد موسم کے درمیان، یہ میراتھن شہر کے مرکز سے گزرے گی اور ہمایوں کے مقبرے، لودھی گارڈن اور خان مارکیٹ جیسے مشہور مقامات سے گزرے گی۔
