رانچی:انگلینڈ کے لیگ اسپنر ریحان احمد کو کنبہ کی وجوہات کے سبب ہندوستان کا دورہ درمیان میں چھوڑ کر وطن واپس جانا پڑا۔انگلینڈ کرکٹ بورڈ (ای سی بی) نے اپنے بیان میں کہا ہے کہ ریحان سیریز میں واپس نہیں آئیں گے اور انگلینڈ کی ٹیم میں کوئی تبدیلی نہیں کی جائے گی۔
19 سالہ ریحان نے ہندستان کے خلاف تینوں ٹیسٹ میچوں میں حصہ لیا۔ تین ٹیسٹ میچوں میں ریحان نے 44 کی اوسط سے مجموعی طور پر گیارہ وکٹیں حاصل کیں۔ اس میں وشاکھاپٹنم میں 153 رن کے عوض چھ وکٹ بھی شامل ہیں۔
وہ رانچی میں کھیلے جا رہے چوتھے ٹیسٹ میچ میں انگلینڈ الیون کا حصہ نہیں تھے۔ ریحان کی وطن واپسی کی صورتحال جمعرات کی سہ پہر رانچی ٹیسٹ کے لیے انگلینڈ کی ٹیم کے اعلان کے بعد سامنے آئی۔ ریحان جمعرات کو انگلینڈ کے آخری پریکٹس سیشن میں بھی شامل تھے۔ وہ آج وطن روانہ ہوں گے۔
یہ بھی پڑھیں:رانچی ٹیسٹ: جوروٹ کی سنچری، انگلینڈ 7 وکٹ پر 302 رنز
غور طلب ہے کہ ریحان احمد ہندوستان کے خلاف ٹیسٹ سیریز میں توقعات کے مطابق کھیل کا مظاہرہ کیا ہے۔ریحان احمد نے اب تک کھیلے گئے تین ٹیسٹ میچوں میں 44.00 کی اوسط سے 11 وکٹیں حاصل کرچکے ہیں۔وہ رواں سیریز میں سب سے زیادہ وکٹ حاصل کرنے والوں میں چوتھے مقام پر ہیں۔
یو این آئی
