بارہمولہ:مرکز کے زیر انتظام یوٹی جموں و کشمیر کے ضلع بارہمولہ کے سوپور میں واقع داک بنگلہ میں بلاک میڈیکل آفیسرکی جانب سے ویکسینیشن مہم کا انعقاد کیا گیا۔ اس موقعے پر درجنوں عازمین حج کو ویکسینیشن لگائے گئے۔ویکسینیشن کے لئے منعقدہ کیمپ میں کئی طبی ماہرین کو مدعو کیا گیا تھا۔
ذرائع کے مطابق بلاک میڈیکل آفسر کی جانب سے منعقدہ ویکسینیشن مہم کے دوران بلاک سوپور اور بلاک روہامہ کے تقریباً 300 عازمین حج کو ٹیکے لگائے گئے۔عازمین حج میں ویکسینیشن مہم کے انعقاد کو لے کر زبردست جوش وخروش بھی پایا گیا۔
ذرائع کے مطابق یہ ویکسینیشن مہم دو روزہ میں مکمل کی جائے گی جس کے دوران سوپور میں یہ مہم کل بھی جاری رہے گی۔اس سلسلے میں کیے گئے انتظامات پر عازمین حج نے متعلقہ اداروں کا شکریہ ادا کیا۔ انہوں نے میڈیا سے گفتگو کرتے ہوئےسوپور اور ہسپتال انتظامیہ کے ساتھ ساتھ حج کمیٹی کا شکریہ ادا کیا اور کہا کہ ویکسینیشن کے لیے اچھی انتظامات کیے گئے ہیں۔
یہ بھی پڑھیں:پلوامہ کے عازمین حج کیلئے بلاک میڈیکل آفیسر کی جانب سے ویکسینیشن مہم - Vaccination Camp for Haj Pilgarms
اس دوران بلک میڈیکل افسر سوپور نے کہا کہ ہم نے عازمین حج 2024 کو بہترین طبی سہولیات فراہم کرنے کی بھرپور کوشش کر رہا ہے۔ انہوں نے ضلع بارہمولہ کے تمام عازمین حج سے اپیل کہ کہ ویکسین لگوائے۔
