اننت ناگ: الیکشن کمیشن آف انڈیا نے جمعہ کو لوک سبھا انتخابات کے تیسرے مرحلے میں 94 سیٹوں پر انتخابی عمل کو انجام دینے کے لیے نوٹیفکیشن جاری کی ہے۔ اس حوالے سے ضلع ترقیاتی کمشنر اننت ناگ و الیکشن ریٹرننگ آفیسر سید فخر الدین حامد نے اننت ناگ - راجوری نششت پر کاغذات نامزدگی جمع کرانے کا نوٹیفکیشن جاری کر دیا۔
کاغذات نامزدگی داخل کرنے کی آخری تاریخ 19 اپریل ہے۔ کاغذات کی جانچ پڑتال 20 اپریل کو ہوگی جبکہ امیدوار اپنا نام 22 اپریل تک واپس لیں سکتے ہے۔
اس ہائی پروفائل سیٹ پر نیشنل کانفرنس نے سینیئر گجر لیڈر میاں الطاف، پیپلز ڈیموکریٹک پارٹی کی محبوبہ مفتی، اپنی پارٹی کے ظفر منہاس، سابق کانگریس لیڈر و ڈیموکریٹک آزاد پراگریسو پارٹی کے چیئرمین غلام نبی آزاد کے درمیاں سخت مقابلہ ہونے والا ہے۔بی جے پی نے اس سیٹ پر ابھی تک پارٹی امیدوار نامزد نہیں کیا ہے۔
مزید پڑھیں:
- اننت ناگ، پونچھ، راجوری پارلیمانی نشست امیدواروں کیلئے چیلنج
- اننت ناگ راجوری پارلیمانی نشست پر حد بندی کا اثر
یاد رہے کہ لوک سبھا انتخابات کے تیسرے مرحلے میں جن سیٹوں کے لیے ووٹنگ ہونی ہے ان میں آسام، بہار، چھتیس گڑھ، دادر اور ناگر حویلی اور دمن اور دیو، گوا، گجرات، جموں و کشمیر، کرناٹک، مہاراشٹر، مدھیہ پردیش، اترپردیش اور مغربی بنگال شامل ہیں۔سات مرحلوں میں منعقد ہونے والے لوک سبھا انتخابات کے ووٹوں کی گنتی 4 جون کو ہو گی اور انتخابی عمل 6 جون تک مکمل ہو جائے گا۔
