اننت ناگ:مرکز کے زیر انتظام یوٹی جموں و کشمیر میں لوک سبھا انتخابات کے چھٹے مرحلے میں ہونے والی ووٹنگ کے پاش نظر سیاسی گہماگہمی عروع پر پہنچ چکی ہے۔تمام سیاسی جماعتیوں کی جانب سے بڑے پیمانے پر تشہیری مہم کی جاری ہے۔اسی درمیان اننت ناگ ضلع میں نیشنل کانفرنس کی جانب سے ریلی کا اہتمام کیا گیا۔
ریلی کی قیادت پارٹی کے رہنماء انیس الاسلام ہاشم حسین اور عمران شاہ کر رہے تھے۔ریلی میں نیشنل کانفرنس کے کارکنان کی ایک بڑی تعداد موجود رہی۔ریلی اننت ناگ کے لال چوک سے شروع ہوئی اور ضلع کے مختلف علاقوں سے گزرتے ہوئے پارٹی دفتر کے سامنے اختتام پذیر ہوئی۔ریلی میں موجود رہنماؤں نے لوگوں سے نیشنل کانفرنس کے حق میں ووٹ ڈالنے کی تاکید کی۔
یہ بھی پڑھیں:وادی گریز میں عمرعبداللہ کی انتخابی مہم، بی جے پی کو بنایا تنقید کا نشانہ - Omar Abdullah in Gurez
میڈیا سے بات کرتے ہوئے نیشنل کانفرنس کے رہنما انیس الاسلام نے کہا کہ ہماری سیاسی جماعت نیشنل کانفرنس کو عوام کا بھرپور تعاون حاصل ہے۔لوگ نیشنل کانفرنس پر بھروسہ رکھتے ہیں ،کیونکہ وہ جانتے ہیں کہ نیشل کانفرنس ایک ایسی آواز ہے جو عوام کی بہتر نمائندگی کر سکتی ہے۔انہوں نے مزید کہا کہ ہم امید ہے کہ لوگ نیشنل کانفرنس کو بھاری اکثریت سے کامیاب کریں گے جس کا نتیجہ چار جون کو سامنے آئے گا ۔۔
