ETV Bharat / jammu-and-kashmir

پلوامہ انکاؤنٹر اختتام پذیر،لشکر طیبہ سے وابستہ مقامی عسکریت پسند ہلاک :پولیس - Encounter in Pulwama

author img

By ETV Bharat Urdu Team

Published : Apr 11, 2024, 7:08 AM IST

Updated : Apr 11, 2024, 5:12 PM IST

پلوامہ کے فراسی پورہ میں انکاؤنٹر شروع
پلوامہ کے فراسی پورہ میں انکاؤنٹر شروع

Pulwama Encounter پلوامہ کے فریسی پورہ گاوں میں سکیورٹی فورسز کے ساتھ تصادم میں ایک مقامی عسکریت پسند مارا گیا۔ اس دوران سکیورٹی فورسز نے انکاؤنٹر سائٹ سے اسلحہ و گولہ بارود اور قابل اعتراض مواد بر آمد کیا گیا۔

پلوامہ انکاؤٹر ختم ،ایک عسکریت پسند ہلاک

پلوامہ: جنوبی کشمیر کے ضلع پلوامہ کے فراسی پورہ میں عسکریت پسندوں اور فوج کے دوران جھڑپ میں ایک مقامی عسکریت پسند ہلاک ہوگیا ہے۔ مارے گئے عسکریت پسند کی شناخت دانش شیخ ساکن سرینگر کے بطور ہوئی ہے۔

تفصیلات کے مطابق سکیورٹی فورسز کو فراسی پورہ پلوامہ میں عسکریت پسندوں کی موجودگی کے بارے میں ایک مصدقہ اطلاع ملی تھی، جس کے فوج کی 53 راشٹریہ رائفلز ،سی آر پی اور پولیس نے علاقے کو مشترکہ طور پر محاصرے میں لیا اور تلاش کارروائی شروع کردی۔ تلاشی کے دوران چھپے بیٹھے عسکریت پسندوں نے فوج پر گولیاں چلائی جس کے بعد علاقہ میں فوج اور عسکریت پسندوں کے درمیاں گولیوں کا تبادلہ شروع ہوا۔ دونوں اطراف سے کچھ دیر تک گولیوں کا تبادلہ رہا ۔

پلوامہ کے فراسی پورہ میں انکاؤنٹر جاری

گولیوں کے تبادلہ میں ایک مقامی عسکریت پسند مارا گیا۔تصادم کی جگہ کی لاش برآمد کی گئی اور اس کی شناخت دانش شیخ ساکن سرینگر کے بطور ہوئی ہے۔پولیس کے مطابق مہلوک عسکریت پسند لشکر طیبہ /ٹی آر ایف سے وابستہ تھا اور اس کے قبضے سے اسلحہ وگولہ بارود اور قابل اعتراض مواد برآمد کرکے ضبط کیا گیا۔

تفصیلات کے مطابق دانش احمد کی عمر تقریباً 34 سال کی تھی جبکہ حال ہی میں انہوں نے عسکریت پسندوں کے صفوں میں شمولیت اختیار کی تھی۔ ان کی گمشدگی کی رپورٹ بھی ان کے اہل خانہ نے سرینگر پولیس اسٹیشن میں درج کی گئی تھی۔


یہ بھی پڑھیں:


یہ بات قابلِ ذکر ہے کہ ضلع پلوامہ میں تقریباً ایک سال بعد عسکریت پسندوں اور فوج کے دوران جھڑپ ہوئی وہی گزشتہ روز ضلع شوپیان میں نامعلوم افراد کی جانب سے ایک غیر مقامی ٹورسٹ گائیڈ پر حملہ کیا گیا،جس دوران وہ زخمی ہوا تھا۔

یاد رہے کہ یہ انکاؤنٹر ایک ایسے وقت میں شروع ہوا ہے جب لوک سبھا انتخابات 2024 کے پیش نظر وادی کشمیر میں سیاسی سرگرمیوں عروج پر ہیں۔ انتخابی سرگرمیوں میں کسی بھی طرح کے خلل کی روک تھام اور عوام کے تحفظ کے لیے سکیورٹی فورسز وادی کشمیر میں الرٹ پر ہیں۔

Last Updated :Apr 11, 2024, 5:12 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.