بڈگام: ڈی سی نے ضلع بھر میں بجلی اور پانی کی بلا تعطل فراہمی پر زور دیتے ہوئے پی ڈی ڈی اور پی ایچ ای کے ایگزیکٹیو انجینئرز سے کہا کہ وہ اپنے فیلڈ اسٹاف کو اس بات کو یقینی بنانے کے لیے حساس بنائیں کہ رمضان المبارک کے دوران صارفین کو پانی اور بجلی کی فراہمی خاص طور پر سحری اور افطار کے اوقات میں ممکن ہو۔
ڈی سی نے متعلقہ افراد کو خصوصی مارکیٹ چیکنگ اسکواڈز تشکیل دینے کی ہدایت کی تاکہ وہ دکانداروں کی جانب سے ناجائز منافع خوری، ذخیرہ اندوزی اور اوؤر چارجنگ پر نظر رکھیں۔
ڈی سی نے میونسپل کمیٹیوں کے ایگزیکٹو افسران کو ہدایت کی کہ وہ ضلع میں خصوصی صفائی مہم شروع کریں جس میں سڑکوں، گلیوں، نالوں اور بازاروں سے فضلہ کو باقاعدگی سے اٹھانے پر توجہ دی جائے اور ان متعلقہ قصبوں میں لائٹس کی تنصیب بھی کی جائے۔
یہ بھی پڑھیں:رمضان کی آمد کے ساتھ ہی کشمیر کی مساجد میں رونقیں بحال
ڈی سی نے متعلقہ افراد کو ہدایت کی کہ وہ شام کے اوقات کے ساتھ ساتھ تمام قصبوں میں مسافروں کے لیے پبلک ٹرانسپورٹ چلانے کو یقینی بنائیں۔ میٹنگ میں دیگر کے علاوہ اے ڈی سی بڈگام مہراج دین شاہ، سی پی او عرفان احمد، تمام ایس ڈی ایمز، سی ایم او، انیمل اینڈ شیپ ہسبنڈری آفیسر، پی ایچ ای اور پی ڈی ڈی، انجینئرز، اے آر ٹی او اور دیگر متعلقہ افسران موجود تھے۔
