بناس کانٹھا میں موب لنچنگ میں ایک شخص کی موت - Banaskantha Mob Lynching

Mob Lynching in Banaskantha: گجرات میں موب لنچنگ کے معاملے بڑھتے جا رہے ہیں۔ جس میں خصوصی طور پر ایک مخصوص فرقہ کے افراد کو نشانہ بنایا جا رہا ہے۔ ایک بار پھر گجرات کے بناس کانٹھا میں مصری خان جمعہ خان کو موب لنچنگ کرکے موت کے گھاٹ اتارا گیا ہے جس سے بناس کانٹھا کے لکھنی میں جمعہ خان کی موت ہو گئی۔ پولیس اس معاملہ میں تحقیقات کر رہی ہے۔ اس واقعہ کا ایک ویڈیو سوشل میڈیا پر بھی وائرل ہوا جس میں ایک شخص کہہ رہا ہے کہ یہ ہجومی تشدد ہے۔ یہ ویڈیو اس وقت ویڈیو سوشل میڈیا وائرل ہے۔ جس میں ایک شخص دو بھینس لے جا رہا تھا جسے پتھر مار مار کر گئو رکھشکوں نے ہلاک کر دیا۔

بناس کانٹھا: بناس کانٹھا میں ایک بار پھر موب لنچنگ کا معاملہ سامنے آیا ہے۔ جس کی وجہ سے بناس کانٹھا ضلع میں امن و امان کی صورتحال پر سوال اٹھایا جا رہا ہے۔ بناس کانٹھا کے لکھنی تعلقہ کے اگتلہ گاؤں کے قریب کل صبح لوہے کی پائپ سے اور دھار دار اورزار سے کچھ لوگوں نے ایک شخص کو بے دردی سے ہلاک کر دیا یہ شخص دیودر تعلقہ کے سیسن گاؤں کا مصری خان جمعہ خان تھا۔ جو کل صبح سویرے ایک بولیرو لے کر اگر گاؤں کے قریب سے گزر رہا تھا۔ اس دوران اسکارپیو کار میں سوار پانچ افراد نے کار سے مصری خان کو جان سے مارنے کی دھمکی دی اور پھر دیو دریہ کے واتم گاؤں کے اخراج سنگھ واگھیلا، نکول سنگھ، مجرون گاؤں کے جگت سنگھ چیبڑا گاؤں کے پروین سنگھ اور دیودر کے حمیر ٹھاکر نے مصری خان پر حملہ کردیا۔

اس معاملہ پر مائنارٹی کوآرڈینیشن کمیٹی گجرات کے کنوینر مجاہد نفیس نے ڈی جی پی گجرات کو ایک مکتوب بھی لکھا ہے اس میں انہوں نے کہا ہے مصری خان جمعہ خان کی موب لنچنگ ہوئی۔ مذکورہ واقعہ 23-5-24 ایف آئی آر نمبر 11195001240191 دفعہ 302,341,147,148,149,506 (2), 120 بی آئی پی سی اور جی پی اے ایکٹ کی دفعہ 135 کے تحت درج کیا گیا ہے۔ بناس کانٹھا ضلع ان دنوں ایسے بدمعاش افراد کے شر سے دوچار ہے۔ آج گزشتہ سال 22-7-23 کو ایف آئی آر 11195001230304 میں مرکزی مجرم تھا۔ لیکن پولیس کی طرف سے اس معاملہ میں کوئی خاص احتیاطی کارروائی نہیں کی گئی ہے۔ جس سے اس قتل کو کرنے کا حوصلہ ملا ہے۔

اسی کی دوسری جانب دوسرے ہی مہینے ڈیسا میں بھی شرپسندوں کے ہاتھوں پولیس کو زدوکوب کیا گیا۔ اس میں کہا گیا ہے کہ جناب، آپ کی توجہ معزز سپریم کورٹ کی رٹ پٹیشن (سول) نمبر کے فیصلہ کی طرف ہے۔ 754 آف 2016 تحسین ایس پونا والا ... پٹیشنر(ز) بمقابلہ یونین آف انڈیا اور دیگر نے موب لنچنگ پر فیصلہ بھی سنایا ہے۔


سپریم کورٹ کے مذکورہ بالا فیصلہ کے مطابق ہم مطالبہ کرتے ہیں۔

1- ایس پی رینک کے ایک افسر کو ہر ضلع میں نوڈل افسر کے طور پر مقرر کیا جائے اور اسے موب لنچنگ کے واقعات کی نگرانی کا کام سونپا جائے۔

2- انتظامیہ کو ان سب گاؤں، تعلقہ کی نشاندہی کرنی چاہیے جہاں پچھلے 5 سالوں میں ہجومی تشدد/ہجومی تشدد ہوا ہے۔

3- اس معاملہ میں فوری طور پر نوڈل افسر کا تقرر کیا جائے۔

4- ایسے معاملات میں وکٹم کمپنسیشن اسکیم کے تحت ادا کی جانے والی امداد فوری ادا کی جائے۔

5- سپریم کورٹ کے فیصلہ کے مطابق دیگر دفعات پر عمل درآمد کیا جائے۔

6- سپریم کورٹ کے فیصلہ پر عمل درآمد کے لیے گجرات پولیس کی طرف سے ایک سرکلر جاری کیا جائے۔

7- اس کیس کو روزانہ کی سماعت کے لیے فاسٹ ٹریک کورٹ میں چلایا جانا چاہیے۔

8- مقدمہ کے مدعیان اور گواہوں کو تحفظ فراہم کیا جائے۔

9- بناس کانٹھا ضلع میں سماج دشمن عناصر کو ہٹا کر ہر تھانے میں پبلک لائٹ لگائی جائے۔