کوچی: کیرالہ کے گورنر عارف محمد خان کو کولم ضلع کے نیلمیل کے قریب ایس ایف آئی کے مظاہرین نے روکا۔ اور گورنر کے خلاف نعرے بازی کی۔ جس پر گورنر نے گاڑی سے اتر کر پولیس پر شدید برہمی کا اظہار کیا اور سڑک کنارے احتجاج میں بیٹھ گئے۔ گورنر نے مرکزی وزیر داخلہ کے سکریٹری سے شکایت کی اور پولیس انہیں مناسب سکیورٹی فراہم نہ کرنے کا الزام عائد کیا۔
-
#WATCH | "I will not leave from here. Police is giving them protection, " says Governor Arif Mohammed Khan after SFI activists held a protest against him in Kollam. Police present on the spot https://t.co/nQHF9PWqpr pic.twitter.com/RHFFBRCh9s
— ANI (@ANI) January 27, 2024 " class="align-text-top noRightClick twitterSection" data="
">#WATCH | "I will not leave from here. Police is giving them protection, " says Governor Arif Mohammed Khan after SFI activists held a protest against him in Kollam. Police present on the spot https://t.co/nQHF9PWqpr pic.twitter.com/RHFFBRCh9s
— ANI (@ANI) January 27, 2024#WATCH | "I will not leave from here. Police is giving them protection, " says Governor Arif Mohammed Khan after SFI activists held a protest against him in Kollam. Police present on the spot https://t.co/nQHF9PWqpr pic.twitter.com/RHFFBRCh9s
— ANI (@ANI) January 27, 2024
گورنر کی بنیادی شکایت یہ ہے کہ تقریباً 50 مظاہرین نے ان کی کار کو روکا اور کار سے ٹکرانے کی کوشش کی۔ انہوں نے یہ بھی شکایت کی کہ پولیس مناسب سیکورٹی فراہم کرنے میں ناکام رہی اور مظاہرین کی مدد کر رہی ہے۔ اس دوران پولیس حکام نے بتایا کہ وہ پہلے ہی احتجاج کرنے والے 12 افراد کو گرفتار کر چکے ہیں۔ کیرالہ کے گورنر ایک پروگرام میں شرکت کے لیے سدانند پورم جا رہے تھے۔
واضح رہے کہ کیرالہ کے گورنر اور ایل ڈی ایف حکومت کے درمیان لڑائی گزشتہ ہفتے کے دوران شدت اختیار کر گئی۔ جمعرات کو گورنر عارف محمد خان نے کیرالہ اسمبلی میں اپنا پالیسی خطاب ڈیڑھ منٹ میں ختم کر دیا۔ وہ تقریر کا آخری پیراگراف پڑھ کر اسمبلی سے چلے گئے۔ گورنر اور وزیراعلیٰ دونوں نے جمعہ کو سنٹرل اسٹیڈیم میں یوم جمہوریہ کی سرکاری تقریب میں شرکت کی۔ تاہم دونوں ایک دوسرے کو سلام کرنے یا ایک دوسرے کا سامنا کرنے کو تیار نہیں تھے۔
مزید پڑھیں: کیرالہ میں گورنر اور وزیر اعلیٰ کے درمیان تلخی
اس کے بعد کیرالہ کے وزیر اعلیٰ نے راج بھون میں گورنر کی جانب سے دی گئی چائے پارٹی میں شرکت نہیں کی۔ وزیر اعلی کے علاوہ ریاستی وزراء بھی گورنر کی پارٹی سے دور رہے۔ سی پی ایم کے ریاستی سکریٹری ایم وی گووندن اور ریاستی وزیر تعلیم وی شیون کٹی نے گورنر عارف محمد خان پر ان کے رویہ پر سخت نکتہ چینی کی ہے۔
