جے پور: جمعرات کی صبح راجستھان کے جیسلمیر ضلع میں فضائیہ کا ایک جاسوس طیارہ گر کر تباہ ہو گیا۔ یہ حادثہ جیسلمیر ضلع ہیڈکوارٹر سے 30 کلومیٹر دور روزانی کی ڈھانی جزیہ گاؤں کے قریب پیش آیا، اس حادثے میں کسی جانی نقصان کی اطلاع نہیں ہے۔ حادثے کی اطلاع ملتے ہی ضلع انتظامیہ کے ساتھ فضائیہ کے اہلکار موقع پر پہنچ گئے۔
فی الحال، جاسوس طیارے کے ملبے میں لگی آگ پر فائر بریگیڈ نے قابو پالیا ہے، یہ طیارہ بغیر پائلٹ کا ہے جو آسمان سے جاسوسی کی سرگرمیوں پر نظر رکھنے کے لیے استعمال ہوتا ہے۔
جاسوس طیارہ بغیر پائلٹ کے تھا:
جیسلمیر میں گر کر تباہ ہونے والے فضائیہ کے اس طیارے کا کام سرحد پر نگرانی رکھنا ہے۔ ایسے طیارے بغیر پائلٹ ہوتے ہیں۔ جس کے ذریعے بین الاقوامی سرحد پر جاسوسی کی سرگرمیوں کی نگرانی کا کام کیا جاتا ہے۔ حادثے کی وجہ جاننے کے لیے بھارتی فضائیہ کی کورٹ آف انکوائری تشکیل دی گئی ہے۔ یہ جانکاری فضائیہ نے دی ہے۔
ایکس پر ہندوستانی فضائیہ نے کہا کہ، "ہندوستانی فضائیہ کا ایک ریموٹلی پائلٹ طیارہ آج جیسلمیر کے قریب معمول کی تربیتی چھان بین کے دوران حادثے کا شکار ہوا۔ کسی اہلکار یا املاک کو کوئی نقصان نہیں پہنچا۔ اس کے لیے ایک کورٹ آف انکوائری تشکیل دی گئی ہے۔"
یہ بھی پڑھیں:
