ہبلی (کرناٹک): جے ڈی ایس نے ایم پی پراجول ریونّا کو مبینہ طور پر فحش ویڈیو تنازعہ کے سلسلے میں پیر کو پارٹی سے معطل کر دیا۔
جے ڈی (ایس) کی کور کمیٹی کے صدر جی ٹی دیوگوڑا نے کہا، "ہم پراجول ریونّا کے خلاف ایس آئی ٹی کے ذریعہ اٹھائے گے قدم کا خیرمقدم کرتے ہیں۔ ہم نے اپنی پارٹی کے قومی صدر سے سفارش کی تھی کہ ایس آئی ٹی کی تحقیقات مکمل ہونے تک پراجول ریونّا کو پارٹی سے معطل کردیا جائے۔ پارٹی نے ریونّا سے شو کاز نوٹس بھی مانگا ہے۔
آج جے ڈی (ایس) کی کور کمیٹی کی میٹنگ ہبلی میں ہوئی اور پرجول ریونّا کو معطل کرنے کا فیصلہ کیا گیا۔ کور کمیٹی کی میٹنگ کے بعد جی ٹی دیوگوڑا اور جے ڈی ایس کے صدر ایچ ڈی کمارسوامی نے پرجول ریونّا کی معطلی کے بارے میں بتایا۔
ریاستی حکومت نے ایس آئی ٹی انکوائری کا حکم دینے کے بعد جے ڈی ایس نے پرجول ریونا کے خلاف کارروائی کی ہے اور ہولینارسی پور، پولیس اسٹیشن میں مقدمہ درج کیا گیا ہے۔
اس اسکینڈل میں سیکڑوں فحش ویڈیوز شامل ہیں جو مبینہ طور پر مسٹر ریونا (جے ڈی ایس کے سربراہ اور سابق وزیر اعظم ایچ ڈی دیوے گوڑا کے پوتے) نے شوٹ کیے تھے اور اس کے بعد یہ ویڈیوز ہاسن حلقہ میں بڑے پیمانے پر پھیلائے گئے تھے۔
اس کے بعد ایک خاتون نے پراجول ریونا کے خلاف جنسی زیادتی کا الزام لگاتے ہوئے پولیس کیس درج کرایا۔ اس نے الزام لگایا کہ اسے 2019 اور 2022 کے درمیان متعدد بار جنسی زیادتی کا نشانہ بنایا گیا۔
حالانکہ پراجول نے ان الزامات کی تردید کی ہے اور ایک شکایت درج کرائی ہے جس میں دعویٰ کیا گیا ہے کہ جو ویڈیوز وائرل کئے جارہے ہیں وہ غلط ہیں۔ 33 سالہ ریونّا ہفتے کی صبح ویڈیوز کے آن لائن سامنے آنے کے فوراً بعد ہی جرمنی چکے گئے۔
یہ بھی پڑھیں:
