نئی دہلی: دہلی کی راؤز ایونیو عدالت نے پیر کو بھارت راشٹر سمیتی (بی آر ایس) کی لیڈر کے کویتا کی ضمانت کی درخواست کو منظور کرنے سے انکار کر دیا۔ دہلی شراب پالیسی سے متعلق مبینہ منی لانڈرنگ کیس میں مرکزی تفتیشی بیورو (سی بی آئی) اور انفورسمنٹ ڈائریکٹوریٹ (ای ڈی) کے ذریعہ گرفتاری کے بعد جیل میں بند کے کویتا کی ضمانت کی درخواست دی تھی ۔
راؤز ایونیو کورٹ کی خصوصی جج کاویری باویجا نے منی لانڈرنگ کیس میں کے کویتا کی ضمانت کی درخواست مسترد کی۔
کے کویتا کو 15 مارچ کو ای ڈی اور بعد میں سی بی آئی نے عدالتی حراست میں گرفتار کیا تھا۔ عدالت کی جانب سے جیل میں پوچھ گچھ کی اجازت دینے کے بعد سی بی آئی کے ہاتھوں ان کی گرفتاری عمل میں آئی تھی ۔
سی بی آئی نے اس معاملے میں سرتھ چندر ریڈی کو بھی گرفتار کیا تھا۔ ریڈی مبینہ طور پر کویتا کی اس یقین دہانی پر شراب گھوٹالہ میں ملوث ہو گیا کہ اس کے دہلی حکومت میں رابطے ہیں اور وہ کاروبار میں بھی اس کی مدد کریں گی۔
سی بی آئی نے مزید الزام لگایا کہ نومبر۔ دسمبر 2021 میں کویتا نے ریڈی سے کہا تھا کہ وہ 5 کروڑ روپے فی علاقہ کے حساب سے اسے الاٹ کیے گئے پانچ خوردہ علاقوں کے لیے 25 کروڑ روپے ادا کرے۔ کے کویتا نے دعویٰ کیا تھا کہ انہوں نے وجئے نائر کے ذریعے حکمراں عام آدمی پارٹی کو 100 کروڑ روپے ادا کیے تھے تاکہ بدلی گئی ایکسائز پالیسی میں سازگار شرائط حاصل کی جاسکیں۔
یو این آئی
