JioBook Laptop Sales : జియోబుక్​ ల్యాప్​టాప్​ సేల్​ ప్రారంభం.. అమెజాన్​లో భారీ డిస్కౌంట్​!

JioBook Laptop Sales Start Date : రిలయన్స్ జియో ఎంతో ప్రతిష్ఠాత్మకంగా విడుదల చేసిన 'జియోబుక్'​ సేల్ శనివారం (ఆగస్టు 5) ప్రారంభం అయ్యింది. ఈ బడ్జెట్​ ల్యాప్​టాప్​ రిలయన్స్ రిటైల్​ స్టోర్స్​, ఈ-కామర్స్​ వెబ్​సైట్​ అమెజాన్​లో అందుబాటులో ఉంది. అమెజాన్​లో ఈ జియోబుక్ ల్యాప్​టాప్​పై భారీ డిస్కౌంట్స్​ కూడా అందిస్తున్నారు. కేవలం రూ.16,499 ధర మాత్రమే ఉన్న ఈ ల్యాప్​టాప్​లో అదిరిపోయే ఫీచర్లు ఉండడం గమనార్హం. ఈ జియోబుక్​ ల్యాప్​టాప్​ JioOSతో రన్​ అవుతుంది. దీనిలో మీడియాటెక్​ చిప్​సెట్​ ఉంది. ఈ బడ్జెట్​ ల్యాప్​టాప్​ 4జీ ఇంటర్నెట్​ కనెక్టివిటీతో వస్తుంది. కనుక దీనిలో హై-డెఫినిషన్​ వీడియో స్ట్రీమింగ్​ కూడా చేసుకోవచ్చు. 4జీబీ+ 64జీబీ స్టోరేజ్​ + 100జీబీ క్లౌడ్​ స్టోరేజ్​ ఫెసిలిటీతో వస్తున్న ఈ ల్యాప్​టాప్​లో.. జియో సెక్యూరిటీ, జియో క్లౌడ్​, జియో మీట్ లాంటి​ ఇన్​బిల్ట్​ యాప్స్​ ఉన్నాయి. బ్లూ, గ్రే కలర్ వేరియంట్స్​లో ఈ జియోబుక్ ల్యాప్​టాప్​ లభిస్తుంది. రిలయన్స్​ జియో కంపెనీ.. ఈ ల్యాప్​టాప్​ బ్యాటరీ ఫుల్​డే లైఫ్​ కలిగి ఉంటుందని.. వినియోగదారులు ఎలాంటి ఆటంకం లేకుండా ఈ జియోబుక్​ను ఉపయోగించుకోవచ్చు అని చెబుతోంది.