నోరూరించే 'గోల్డెన్'​ ఐస్​క్రీమ్​.. ధర రూ.1000.. ఎక్కడో తెలుసా?

మండే ఎండ నుంచి ఉపశమనం పొందేందుకు మనం చల్లగా ఏదైనా తినేందుకు ఆలోచిస్తుంటాం. చల్లగా ఫ్రూట్​ జ్యూస్​ లేదా మజ్జిగ తాగాలనుకుంటాం. ముఖ్యంగా ఈ సీజన్​లో చిన్నాపెద్దా తేడా లేకుండా అందరూ ప్రత్యేకంగా ఐస్​క్రీమ్​ను తింటూ కనిపిస్తుంటారు. దుకాణదారులు సైతం కస్టమర్స్​ను ఆకర్షించేందుకు​ వివిధ రకాల ఫ్లేవర్స్​తో ఐస్​క్రీమ్​ను తయారు చేసి అమ్ముతుంటారు. సాధారణంగా ఒక ఐస్​క్రీమ్​ ధర రూ.5 నుంచి రూ. 200 వరకు ఉండచ్చని మనం అనుకుంటాం. కానీ గుజరాత్​లోని ఓ​ షాపులో మాత్రం ఏకంగా రూ.1000 విలువగల ఐస్​క్రీమ్​ను అమ్ముతున్నారు. 

ఆ ఐస్​క్రీమ్​ ధర తెలిసి మీరు ఆశ్చర్యపోయినప్పటికీ దీనికి ఓ ప్రత్యేకత ఉంది. చూసేందుకు సాధారణ ఐస్​క్రీమ్​లా కనిపిస్తున్నా దానిపై 24 క్యారెట్ల నిజమైన బంగారాన్ని పూతలా పూసి కస్టమర్లకు సర్వ్​ చేస్తున్నారు. గోల్డ్​ ఫాయిల్​ కవరింగ్​తో పాటు అందులో వేసే టాపింగ్స్​లో ఓ గోల్డ్​ చాక్లెట్​ బాల్​ను కూడా వేస్తున్నారు. నోరూరించే ఈ ఐస్​క్రీమ్​లో వివిధ రకాల డ్రై ఫ్రూట్స్​తో పాటు చోకో సిరప్​ను కూడా వేస్తారట. ఇక ఈ గోల్డెన్​ ఐస్​క్రీమ్​ కొనుగోలు చేసినప్పుడు 18% జీఎస్టీ కూడా చెల్లించాల్సి ఉంటుందట. కానీ హోం డెలివరీ సదుపాయం లేనందున మీరు ఈ ఐస్​క్రీమ్​ను తినాలంటే ఈ షాప్​నకు వెళ్లాల్సిందే!