మహబూబాబాద్ జిల్లాలో తాజాగా మూడు కరోనా పాజిటివ్ కేసులు నమోదయ్యాయి. వాటిలో రెండు కేసులు తొర్రూరు మండలానికి చెందగా.. మరొకటి రెడ్యాల గ్రామానికి చెందినట్లుగా జిల్లా వైద్యారోగ్య శాఖ అధికారి వెల్లడించారు. వీటితో జిల్లాలో 47 మందికి వైరస్ సోకగా ఇందులో 19 మంది కోలుకున్నారు. 27 మంది వివిధ ఆసుపత్రుల్లో చికిత్స పొందుతుండగా... ఒకరు మృతి చెందారు.
కొవిడ్-19 నిర్ధరణ అయిన బాధితులకు ప్రైమరీ కాంటాక్ట్లో ఉన్నవారిని హోం క్వారంటైన్కు తరలించారు. జిల్లా కో ఆర్డినేటర్, తహశీల్దార్ కొవిడ్ సోకిన గ్రామాలకు వెళ్లి అక్కడ శానిటైజ్ చేయించారు. గ్రామస్థులు తీసుకోవాల్సిన జాగ్రత్తలను మైక్లో అనౌన్స్ చేయిస్తూ గ్రామస్థులకు సూచనలు చేశారు.
