Electric Vehicle Charging Stations in Hyderabad: హైదరాబాద్‌లోని త్వరలో 150 ఎలక్ట్రిక్ వాహన ఛార్జింగ్ కేంద్రాలు అందుబాటులోకి రానున్నట్లు రెడ్కో చైర్మన్ వై.సతీష్ రెడ్డి తెలిపారు. కేవలం 30 నుంచి 45 నిమిషాల్లో కారు ఛార్జింగ్ పూర్తవుతుందన్నారు. వాహనదారులు ఇతర సంస్థలతో పోలిస్తే అతి తక్కువ ధరతో వాహనాలు ఛార్జింగ్ చేసుకోవచ్చన్నారు. గ్రేటర్ హైదరాబాద్ మున్సిపల్ కార్పొరేషన్ పరిధిలో దుర్గంచెరువు దగ్గర రెడ్కో ఏర్పాటు చేసిన ఎలక్ట్రిక్ వాహన ఛార్జింగ్ మెషిన్‌ను సతీష్‌రెడ్డి పరిశీలించారు.
ఛార్జింగ్ కేంద్రాల ఏర్పాటు కోసం దేశంలోనే ప్రథమంగా సేవా రుసుం ముందుగా నిర్ణయించిన రాష్ట్రంగా, పెద్దమొత్తంలో ఫాస్ట్ ఛార్జింగ్ కేంద్రాలు ఏర్పాటు చేస్తున్న రాష్ట్రంగా కూడా తెలంగాణ ఘనత సాధించిందన్నారు. తెలంగాణ ప్రభుత్వ సహకారంతో ఫాస్ట్ ఛార్జింగ్ కేంద్రాల ఏర్పాటు వేగంగా పూర్తి చేయగలుగుతున్నామని ఆయన తెలిపారు.
ఇవీ చదవండి:
