EC Green Signal to YSRTP: వైఎస్సార్ తెలంగాణ పార్టీని ఎన్నికల కమిషన్ గుర్తిస్తున్నట్లు ప్రకటించింది. ఆ పార్టీ రిజిస్ట్రేషన్కు గ్రీన్ సిగ్నల్ ఇచ్చినట్లు ఆ పార్టీ నేతలు ప్రకటించారు. ఈసీ నిర్ణయంపై హైదరాబాద్ లోటస్ పాండ్లోని వైతెపా కార్యాలయంలో పార్టీ నేతలు, కార్యకర్తలు ఆనందోత్సవాలు జరుపుకొన్నారు.
పార్టీ అధ్యక్షురాలు వైఎస్ షర్మిలకు.. పార్టీ నేతలు పుష్పగుచ్ఛం అందించి శుభాకాంక్షలు తెలియజేశారు. ఈ సందర్భంగా షర్మిల కేక్ కట్ చేశారు. అనంతరం పార్టీ నేతలు స్వీట్లు పంపిణీ చేసి సంబురాలు చేసుకున్నారు. ఈ వేడుకల్లో బ్రదర్ అనిల్, విజయమ్మ కూడా పాల్గొన్నారు.
ఆ అంశాలే ప్రధాన అజెండాగా
గతేడాది జులై 8న వైఎస్సార్ తెలంగాణ పార్టీని.. ఆ పార్టీ అధ్యక్షురాలు వైఎస్ షర్మిల ఆవిష్కరించారు. ఉమ్మడి ఆంధ్రప్రదేశ్ దివంగత మాజీ ముఖ్యమంత్రి వైఎస్ రాజశేఖర్ రెడ్డి పుట్టినరోజు కావడంతో ఆ రోజు.. పార్టీ పేరును షర్మిల ప్రకటించారు. వైతెపా ప్రధాన అజెండా సంక్షేమం, స్వయం సమృద్ధి, సమానత్వం అని షర్మిల ప్రకటించారు. తెలంగాణలో వైఎస్సార్ సంక్షేమ పాలన తీసుకొచ్చేందుకే పార్టీ పెట్టినట్లు చెప్పారు. కాగా వైతెపాను గుర్తిస్తూ నేడు ఈసీ ప్రకటించింది.
ఇదీ చదవండి: మల్లన్నసాగర్‌ కాదు..ఇది తెలంగాణ జలసాగర్‌: కేసీఆర్
