జాతీయ మహిళల బాక్సింగ్‌ ఛాంపియన్‌షిప్‌లో తెలంగాణ అమ్మాయి నిఖత్ జరీన్‌(Nikhat Zareen news) ఫైనల్లోకి దూసుకెళ్లింది. మంగళవారం 50-52 కేజీల సెమీఫైనల్‌ బౌట్‌లో నిఖత్ 5-0తో రాశి శర్మను చిత్తుచేసింది. బుధవారం జరిగే ఫైనల్లో మీనాక్షితో(హరియాణ) నిఖత్ అమీతుమీ తేల్చుకోనుంది. మరో క్రీడాకారిణి నిహారిక గోనెళ్ల పోరాటం ముగిసింది. 60-63 కేజీల సెమీస్‌లో నిహారిక 1-4తో జ్యోతి (రైల్వేస్‌) చేతిలో పరాజయం చవిచూసింది. సెమీస్‌లో ఓడిన నిహారికకు కాంస్య పతకం దక్కింది.
శివ, ఆకాశ్‌, రోహిత్‌ శుభారంభం
సెర్బియాలోని బెల్గ్రేడ్లో జరిగిన ఏఐబీఏ ప్రపంచ బాక్సింగ్‌ ఛాంపియన్‌షిప్‌లో(World boxing championship) భారత స్టార్‌ ఆటగాడు శివ థాపా (63.5 కేజీ) శుభారంభం చేశాడు. మంగళవారం జరిగిన తొలి రౌండ్లో శివ 5-0తో విక్టర్‌ న్యాదెరాపై(కెన్యా) విజయం సాధించాడు. 67 కేజీలలో ఆకాశ్‌ సాంగ్వాన్‌ 5-0తో ఫర్కాన్‌ ఆడెమ్‌పై(టర్కీ), 57 కేజీలలో రోహిత్‌ మోర్‌ 5-0తో జీన్‌ కైసిడొపై(ఈక్వెడార్‌) నెగ్గి రెండో రౌండ్లో అడుగుపెట్టారు. సంజీత్‌ (92 కేజీ), సచిన్‌కుమార్‌లకు(80 కేజీ) తొలి రౌండ్లో బై లభించింది.
ఇదీ చూడండి: టీమ్ఇండియా కోచ్ పదవికి ద్రవిడ్ దరఖాస్తు!
