Virat Kohli: ఫుట్బాల్ దిగ్గజం క్రిస్ట్రియానో రొనాల్డో అంటే తనకు ఎంత ఇష్టమో ఇప్పటికే అనేక సందర్భాల్లో వెల్లడించాడు టీమ్ఇండియా స్టార్ బ్యాటర్ విరాట్ కోహ్లీ. పని పట్ల రొనాల్డో నిబద్ధత కారణంగా అతడి జట్టు మాంచెస్టర్ యునైటెడ్ ఎన్నో అపూర్వమైన విజయాలను సాధించింది. ఐపీఎల్ ఫొటోషూట్ సందర్భంగా రొనాల్డో గురించి ఇటీవలే అడిగిన ఓ ప్రశ్నకు ఆసక్తికర సమాధానమిచ్చాడు కోహ్లీ. 'ఒకానొక రోజు రొనాల్డోగా నిద్రలేస్తే ఏం చేస్తారు?' అనే ప్రశ్నకు విరాట్.. ఏమన్నాడంటే..
"క్రిస్టియానో రొనాల్డో! (ఇష్టమైన అథ్లెట్ ఎవరని అడిగినప్పుడు).. నేను రొనాల్డోగా నిద్రలేస్తే.. నా మెదడును స్కాన్ చేయిస్తా. అప్పుడు ఇంత మానసిక దృఢత్వం ఎక్కడి నుంచి వచ్చిందో తెలుసుకుంటా (నవ్వుతూ)"
-విరాట్ కోహ్లీ, ఆర్సీబీ బ్యాటర్
రొనాల్డో అత్యద్భుతమైన మనోబలమే.. తన రంగంలో (క్రికెట్లో) ఉత్తమంగా రాణించేందుకు దోహదపడిందని కోహ్లీ భావిస్తుంటాడు. ఇక తన మనసును విరిచేసిన మ్యాచ్ ఏది? అని అడినప్పుడు.. ఐపీఎల్ 2016 ఫైనల్ (సన్రైజర్స్తో) అని సమాధానమిచ్చాడు విరాట్. ఆ సీజన్లో అన్ని రికార్డులను తుడిచిపెడుతూ.. 973 పరుగులతో ఆరెంజ్ క్యాప్కు దక్కించుకున్నాడు కోహ్లీ. అయితే ఫైనల్లో మాత్రం సన్రైజర్స్ చేతిలో ఓటమితో టైటిల్ సాధించలేకపోయాడు.
- " class="align-text-top noRightClick twitterSection" data="">
ఇక 2016 టీ20 ప్రపంచకప్ సెమీస్లో వెస్టిండీస్ చేతిలో ఓటమి కూడా తనను అత్యంత కలచివేసిందని తెలిపాడు విరాట్. ఆ టోర్నీలో అద్భుతంగా రాణించిన అతడు.. ప్లేయర్ ఆఫ్ ది టోర్నమెంట్గానూ నిలిచాడు. ఐపీఎల్ 2022 సీజన్తోనే ఆర్సీబీ కెప్టెన్సీ వదిలేసిన కోహ్లీ.. బ్యాట్తో మరోసారి మునుపటిలా రెచ్చిపోవాలని చూస్తున్నాడు. ప్రస్తుత సీజన్లో ఇప్పటికే రెండు లీగ్ మ్యాచ్లు ఆడిన ఆర్సీబీ.. ఒకదాంట్లో విజయం సాధించింది. తన తదుపరి మ్యాచ్లో రాజస్థాన్ రాయల్స్తో ఏప్రిల్ 5న తలపడనుంది.
ఇదీ చూడండి: 'ఫుట్బాల్కు రొనాల్డో.. క్రికెట్కు విరాట్ కోహ్లీ'
