IND Vs WI: క్రికెట్ అభిమానులకు శుభవార్త. స్వదేశ్వంలో వెస్టిండీస్తో జరగనున్న మూడు మ్యాచ్ల టీ20 సిరీస్కు అభిమానులను అనుమతించనున్నారు. ఈ మ్యాచులకు ఆతిథ్యం ఇవ్వనున్న ఈడెన్ గార్డెన్స్కు 75 శాతం మంది ప్రేక్షకులను అనుమతించాలన్న ప్రతిపాదనను పశ్చిమ బంగాల్ ప్రభుత్వం అంగీకరించింది. ఈ మ్యాచ్లకు సుమారు 50 వేల మంది హాజరయ్యే అవకాశం ఉంది. తొలి టీ20 మ్యాచ్ ఫిబ్రవరి 16న జరగనుంది.
చారిత్రక మ్యాచ్కు ప్రేక్షకులు దూరం..
భారత పర్యటనలో భాగంగా విండీస్ జట్టు మొత్తంగా మూడు వన్డేలు, మూడు టీ20లు ఆడనుంది. అహ్మదాబాద్ వేదికగా మూడు మ్యాచ్ల వన్డే సిరీస్ జరగనుంది. ప్రస్తుతం నెలకొన్న కొవిడ్ పరిస్థితుల దృష్ట్యా వన్డే సిరీస్కు ప్రేక్షకులను అనుమతించడం లేదని గుజరాత్ క్రికెట్ సంఘం మంగళవారం తెలిపింది.
కాగా, ఫిబ్రవరి 6న జరగబోయే తొలి వన్డే.. భారత క్రికెట్లో ఎంతో ప్రత్యేకమైనది. అది టీమ్ఇండియా ఆడబోయే 1000వ వన్డే మ్యాచ్. దీంతో ఆ ఘనత సాధించే తొలి జట్టుగా నిలవనుంది భారత్.
ఇదీ చూడండి: సర్ఫర్ సోయగాలు.. మరీ ఇంత హాట్ గానా!
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
