రౌడీహీరో విజయ్ దేవరకొండ(vijay devarakonda) చెప్పినట్లే చేశారు. యువ గాయని షణ్ముఖ ప్రియకు(shanmukha priya) తన సినిమాలో పాడే అవకాశమిచ్చారు. పాట పాడటం కూడా పూర్తయిందని, త్వరలో వింటానని విజయ్ చెప్పారు. 'లైగర్ ప్రామిస్'(Liger Promise) పేరుతో సోమవారం ఓ వీడియో విడుదల చేశారు.
ఇటీవల జరిగిన 'ఇండియన్ ఐడల్ 12'(indian idol season 12) ఫైనల్ కంటెస్టెంట్ల్లో ఒకరైన షణ్ముఖ ప్రియను విజయ్ దేవరకొండ సపోర్ట్ చేశారు. ఆమెను గెలిపించాలంటూ అభిమానుల్ని కోరారు. అలానే హైదరాబాద్ రాగానే తనను కలుస్తానని, తన కొత్త సినిమాలో పాట పాడే ఛాన్స్ ఇస్తానని మాట ఇచ్చారు. ఇప్పుడు ఆ మాట నిలబెట్టుకున్నారు.
హైదరాబాద్లోని తన ఇంట్లో షణ్ముఖను కలిసిన విజయ్.. చాలాసేపు మాట్లాడారు. ఈ యువ గాయనిని సత్కరించిన విజయ్ దేవరకొండ తల్లి.. ఆమెకు చీరను బహుకరించారు.
మార్షల్ ఆర్ట్స్ నేపథ్య కథతో తెరకెక్కుతున్న 'లైగర్'(liger release date).. ఇప్పటికే థియేటర్లలోకి రావాల్సింది. కానీ కరోనా వల్ల షూటింగ్ ఆలస్యమైంది. దీంతో రిలీజ్ కూడా లేట్ అయింది. అనన్యా పాండే హీరోయిన్. పూరీ జగన్నాథ్(puri jagannath).. ఈ పాన్ ఇండియా సినిమాకు దర్శకత్వం వహిస్తున్నారు. కరణ్జోహార్, ఛార్మీ, పూరీ జగన్నాథ్ సంయుక్తంగా చిత్రాన్ని నిర్మిస్తున్నారు.
- " class="align-text-top noRightClick twitterSection" data="">
ఇవీ చదవండి:
