ముద్దుగుమ్మ రాశీఖన్నా బంపర్ ఆఫర్ కొట్టేసింది. స్టార్ హీరో ధనుష్ నటిస్తున్న కొత్త తమిళ సినిమాలో అవకాశం దక్కించుకుంది. ఈ విషయాన్ని స్వయంగా ఆమె ప్రకటించింది. 'డీ44' పేరుతో వస్తున్న ఈ చిత్రంలో నిత్యమేనన్, ప్రకాశ్ రాజ్, ప్రముఖ దర్శకుడు భారతి రాజా కూడా కీలకపాత్రలు పోషిస్తున్నారు. అయితే ధనుష్-రాశీఖన్నా జంటగా చేస్తున్న తొలి సినిమా ఇదే.
ఈ సినిమాను సన్ పిక్చర్స్ నిర్మిస్తుండగా, మిత్రన్ జవహర్ దర్శకత్వం వహిస్తున్నారు. 'ఉత్తమపుత్రిన్', 'మథిల్' వంటి కోలీవుడ్ సినిమాలకు మిత్రన్ డైరెక్టర్.
తెలుగుతో పాటు తమిళంలో ప్రస్తుతం బిజీగా ఉన్న రాశీఖన్నా.. 'మద్రాస్ కేఫ్' సినిమాతో హీరోయిన్గా పరిచయమైంది. టాలీవుడ్లో 'బెంగాల్ టైగర్', 'సుప్రీం' వంటి సినిమాల్లో నటించి అభిమానులను మెప్పించింది.
బాలీవుడ్ స్టార్ అజయ్‌ దేవగణ్‌ క్రైమ్‌ థ్రిల్లర్‌ వెబ్ సిరీస్ 'రుద్ర: ది ఎడ్జ్‌ ఆఫ్‌ డార్క్‌నెస్‌'. రాజేష్‌ మపుస్కర్‌ దర్శకత్వం వహిస్తున్నారు. ఇందులోనూ రాశీఖన్నా కీలక పాత్రలో నటించనుంది. ఇందులో ఆమె సైకో కిల్లర్గా కనిపించనుందట. ఇదే ఆమెకు తొలి వెబ్ సిరీస్ కానుంది. మరోవైపు 'ఫ్యామిలీ మ్యాన్' దర్శకద్వయం రాజ్-డీకే తీస్తున్న వెబ్ సిరీస్లోనూ రాశీఖన్నా నటిస్తోంది.
ఇదీ చదవండి: టీజర్తో 'ఇందువదన'.. రీతూవర్మ 'నాగిని డ్యాన్స్'
