Donald Trump: అమెరికా మాజీ అధ్యక్షుడు డొనాల్డ్ ట్రంప్ త్రుటిలో ప్రమాదం నుంచి బయటపడ్డారు. ఇంజిన్లో లోపం వల్ల ఆయన ప్రయాణిస్తున్న విమానాన్ని న్యూ ఓర్లియాన్స్లో అత్యవసరంగా దింపారు అధికారులు. మెక్సికో గగనతలం మీదుగా ప్రయాణిస్తున్న క్రమంలో ఇంజిన్ పనిచేయటం ఆగిపోయిందని, అందుకే అత్యవసరంగా న్యూ ఓర్లియన్స్లో ల్యాండ్ చేయాల్సి వచ్చినట్లు పేర్కొన్నారు. ఈ సంఘటన గత వారాంతంలో జరిగింది.
ట్రంప్ ప్రయాణిస్తున్న విమానం అత్యవసరంగా ల్యాండ్ అయిన విషయాన్ని తొలుతో పొలిటికో వార్తాసంస్థ వెల్లడించింది. ఈ విషయాన్ని సంబంధిత అధికారి ఒకరు ధ్రువీకరించారు. అయితే.. ఆ ఘటనకు సంబంధించి మరిన్ని వివరాలు వెల్లడించలేదు.
న్యూ ఓర్లియాన్స్లో గత శనివారం జరిగిన రిపబ్లికన్ నేషనల్ కమిటీ డోనార్ రీట్రీట్కు హాజరై.. తిరిగి ఫ్లోరిడా ఎస్టేట్కు వస్తున్న క్రమంలో రాత్రి 11 గంటల ప్రాంతంలో ఇంజిన్ ఆగిపోయింది. న్యూ ఓర్లియన్స్ లేక్ఫ్రంట్ ఎయిర్పోర్ట్ నుంచి బయలు దేరిన తర్వాత సుమారు 120 కిలోమీటర్ల దూరంలో విమానంలోని ఓ ఇంజిన్ పనిచేయటం ఆగింది. ట్రంప్తో పాటు ఆయన సలహాదారులు, నిఘా విభాగం అధికారులు ఉన్నారు.
ఇదీ చూడండి: 'కుట్ర ప్రకారమే క్యాపిటల్ దాడి- ట్రంప్కు వ్యతిరేకంగా సాక్ష్యాలు!'
