Sreeleela New Movie : టాలీవుడ్ స్టార్ హీరో నందమూరి బాలకృష్ణ, యంగ్ బ్యూటీ శ్రీలీల కీలక పాత్రల్లో నటించిన ఫీల్‌గుడ్‌ ఫ్యామిలీ ఎంటర్‌టైనర్‌ 'భగవంత్ కేసరి'. స్టార్ డైరెక్టర్ అనిల్ రావిపూడి దర్శకత్వం వహించిన ఈ సినిమా గురువారం విడుదలై హిట్ టాక్‌ సొంతం చేసుకుంది. ఈ నేపథ్యంలోనే తాజాగా చిత్ర బృందం ప్రెస్‌మీట్‌ నిర్వహించింది. తమ చిత్రాన్ని విజయవంతం చేసిన ప్రేక్షకులకు ధన్యవాదాలు చెప్పింది. ఈ సందర్భంగా శ్రీలీల.. మీడియా అడిగిన పలు ఆస్తకికర విషయాలకు సమాధానమిచ్చింది. అవి ఆమె మాటల్లోనే..
Bhagavanth Kesari Sreeleela : భగవంత్ కేసరి మూవీలో బాలయ్య కుమార్తెగా శ్రీలీల అదరగొట్టేసింది. తనదైన నటనతో మంచి మార్కులు వేసుకుంది. ఈ సందర్భంగా భవిష్యత్తులో కూడా ఇలాంటి సినిమాలు ఆశించవచ్చా అని అడిగిన ప్రశ్నకు శ్రీలీల సమాధానమిచ్చింది. "అనిల్ రావిపూడి రాసిన స్క్రిప్ట్‌లా ఉంటే తప్పకుండా ఓకే చేస్తా. నేను నటన నేర్చుకుంది నాట్యం వల్ల. డ్యాన్స్‌ నాలో భాగం. ఒక నటిగా నన్ను నేను నిరూపించుకోవడానికి ఒక అవకాశం దొరికింది. ఇలాంటి పాత్రల కోసమే నేను ఎదురుచూస్తున్నా. భవిష్యత్తులోనూ ఇలాంటి రోల్స్‌లో నటించే అవకాశం వస్తే తప్పకుండా యాక్ట్‌ చేస్తా" అని చెప్పింది.
భగవంత్ కేసరి డబ్బింగ్‌ చెప్పేటప్పుడు ఇబ్బందిపడలేదా?
శ్రీలీల: హైదరాబాద్‌లో ఉండటం వల్ల తెలంగాణ యాసలో మాట్లాడటం అంత కష్టంగా అనిపించలేదు.
విజ్జి పాత్ర మీ కెరీర్‌కు ఎలా ఉపయోగపడుతుంది?
శ్రీలీల: ప్రేక్షకులు ఇప్పటికే డిసైడ్‌ చేసేశారు. ఇలాంటి పాత్ర చేసే అవకాశం మళ్లీ రాదు. పెళ్లి సందD తర్వాత నేను విన్న కథ ఇది. కెరీర్‌ ఆరంభంలోనే ఇలాంటి పాత్ర పోషించినందుకు ఆనందిస్తున్నా.
సూపర్‌హీరోయిన్‌ రోల్‌లో నటించే అవకాశం వస్తే ఓకే చేస్తారా?
శ్రీలీల: సరైన స్క్రిప్ట్ వస్తే తప్పకుండా చేస్తా.
భగవంత్ కేసరిలో విజ్జి పాత్రపై కూడా శ్రీలీల మాట్లాడింది. "చాలా చాలా సంతోషంగా ఉంది. ఈ సినిమా తర్వాత ప్రేక్షకులు నన్ను చూసే విధానం మారింది. ఇలాంటి అందమైన పాత్ర ఇచ్చిన అనిల్ రావిపూడికి థ్యాంక్యూ. బాలకృష్ణ సర్‌ నాకు ఎంతో సపోర్ట్‌ చేశారు. ఈ సినిమాలో ఉన్న సందేశానికి ప్రతి ఒక్కరూ కనెక్ట్‌ అవుతున్నారు. మమ్మల్ని ప్రోత్సహిస్తున్నందుకు ధన్యవాదాలు" అని శ్రీలీల తెలిపింది.
- " class="align-text-top noRightClick twitterSection" data="">
