Ramchran Jim video: ఫిట్నెస్.. ఈ విషయంలో యువ హీరోల నుంచి స్టార్హీరోల వరకు ఎక్కడా వెనకాడరు. వీరిలో రామ్చరణ్ ఒకరు. ఫిట్నెస్కు ప్రాధాన్యత ఇచ్చే హీరోల్లో ముందుంటారు. ఎక్కడికెళ్లినా వర్కౌట్స్ను విడిచిపెట్టని ఈ మెగాహీరో.. 'ధృవ'లో సిక్స్ప్యాక్తో కనిపించి ఫ్యాన్కు ఫిట్నెస్ గోల్ సెట్ చేశారు. ఇక 'ఆర్ఆర్ఆర్' కోసం మరింత ఫిట్గా తయారయ్యారు. దీంతో ఆయన లుక్కు మరింత రెస్పాన్స్ వచ్చింది. అయితే తాజాగా ఆయన.. తన తదుపరి సినిమా కోసం జిమ్‌లో తీవ్రంగా శ్రమిస్తున్నారు. దానికి సంబంధించిన వీడియో నెట్టింట్లో వైరల్గా మారింది. ఇది చూసిన అభిమానులు విపరీతంగా లైక్స్, కామెంట్స్తో ట్రెండ్ చేస్తున్నారు.
'ఆర్ఆర్ఆర్' తర్వాత రామ్చరణ్.. ప్రముఖ దర్శకుడు శంకర్‌ డైరెక్షన్‌లో ఓ సినిమా చేస్తున్నారు. పవర్‌ఫుల్‌ కథాంశంతో రూపుదిద్దుకుంటోన్న ఈ ప్రాజెక్ట్‌ 'RC 15'గా ప్రచారంలో ఉంది. దీనిపై ఫ్యాన్స్లో భారీ అంచనాలు ఉన్నాయి. ప్రస్తుతం చిత్రీకరణ దశలో ఉన్న ఈసినిమా కోసం చరణ్ జిమ్‌లో శ్రమిస్తున్నారు. ప్రముఖ సెలబ్రిటీ జిమ్‌ ట్రైనర్‌ రాకేశ్‌ ఉడియార్‌ నేతృత్వంలో కసరత్తులు చేస్తున్నారు. దీనికి సంబంధించిన ఓ స్పెషల్‌ వీడియోని చెర్రీ ఇన్‌స్టా వేదికగా షేర్‌ చేస్తూ.. "సండే మార్నింగ్‌ కిల్లర్‌ వర్కౌట్" అని పేర్కొన్నారు. ఈ వీడియో చూసిన అభిమానులు "వామ్మో.. చరణ్ అన్న సినిమా కోసం ఇంతలా కష్టపడుతున్నారా?", "సూపర్‌ అన్నా" అంటూ కామెంట్లు పెడుతున్నారు. ఇక, 'RC 15' విషయానికి వస్తే.. పొలిటికల్‌, యాక్షన్‌ డ్రామాగా రూపుదిద్దుకుంటోన్న ఈ సినిమాలో చరణ్ ఐఏఎస్‌ అధికారిగా కనిపించనున్నారు. కియారా అడ్వాణీ కథానాయిక. శ్రీకాంత్‌, అంజలి కీలకపాత్రలు పోషిస్తున్నారు.
- " class="align-text-top noRightClick twitterSection" data="
">
ఇదీ చూడండి: చిరంజీవి వల్లే నేను ప్రాణాలతో ఉన్నా!: కృష్ణవంశీ
