Ram Charan Buchi Babu Movie : గ్లోబల్ స్టార్ రామ్చరణ్ తేజ్ - ఉప్పెన డైరెక్టర్ బుచ్చిబాబు సానా కాంబోలో ఓ సినిమా రాబోతున్న విషయం తెలిసిందే. ఈ సినిమా రెగ్యులర్ షూటింగ్ వచ్చే ఏడాది జనవరిలో ప్రారంభం కానున్నట్లు తెలుస్తోంది. ఆయితే తాజాగా ఈ సినిమాపై ఓ బజ్ క్రియేట్ అయ్యింది. ఈ సినిమాలో నటించే తారాగణానికి సంబంధించి ఆసక్తికర వార్త ఒకటి వైరల్గా మారింది. అదేంటంటే..
తమిళ స్టార్ నటుడు విజయ్ సేతుపతి ఈ ప్రాజెక్ట్లో చేరనున్నారని సినివర్గాల్లో టాక్ వినిపిస్తోంది. హీరో రామ్చరణ్కు ప్రతినాయకుడి పాత్రలో విజయ్ సేతుపతి ఈ సినిమాలో నటించనున్నారని ప్రచారం సాగుతోంది. ఇప్పటికే కెరీర్లో పలు నెగిటివ్ పాత్రల్లో నటించి.. మంచి క్రేజ్ సంపాదించుకున్నారు విజయ్. ఇక ఈ సినిమాలో ఆయన నటిస్తే.. రామ్చరణ్ - విజయ్ను ఒకేసారి తెరపై చూడవచ్చని ఫ్యాన్స్ సంబరాలు చేసుకుంటున్నారు.
అయితే దర్శకుడు బుచ్చిబాబు తెరకెక్కించిన 'ఉప్పెన' సినిమాలో విజయ్ నెగిటివ్ పాత్రలో మెరిశారు. ఆ సినిమాలో హీరోయిన్ తండ్రి క్యారెక్టర్లో నటించిన విజయ్కు మంచి మార్కులే పడ్డాయి. దీంతో బుచ్చిబాబు.. రామ్చరణ్కు ప్రతినాయకుడి పాత్ర కోసం విజయ్ను సినిమాలోకి తీసుకురావడం పక్కా అని మెగా ఫ్యాన్స్ అంటున్నారు. కానీ మూవీమేకర్స్ నుంచి ఈ విషయం గురించి ఎలాంటి అధికారిక ప్రకటన రాలేదు.
Vijay Sethupathi Negative Roles : నటుడు విజయ్ సేతుపతి ఇప్పటికే విలన్ పాత్రలు చేయడం ప్రారంభించారు. కమల్ హాసన్ 'విక్రమ్' సినిమాలో విజయ్ పాత్రకు సపరేట్ ఫ్యాన్బేస్ ఉంది. ఈ సినిమాలో విజయ్ పాత్ర.. హీరోకు ఏమాత్రం తీసిపోకుండా ఉంటుంది. తమిళంలో దళపతి విజయ్ నటించిన 'మాస్టర్'లో నెగిటివ్ షేడ్ క్యారెక్టర్లో సేతుపతి అదరగొట్టారు. ఇక బాలీవుడ్ బాద్షా షారుక్ ఖాన్ 'జవాన్' సినిమాలో కూడా విలన్ రోల్లో నటించారు విజయ్. ఈ సినిమా సెప్టెంబర్లో విడుదలకానుంది.
ఇక ఈ సినిమా విషయానికొస్తే.. ప్రముఖ నిర్మాణ సంస్థ వృద్ధి సినిమాస్.. ఈ మూవీని పాన్ ఇండియా రేంజ్లో రూపొందించనున్నారని సమాచారం. కాగా ఈ సినిమాకు సంగీత దర్శకుడిగా ఏఆర్ రెహమాన్ దాదాపు ఓకే ఆయ్యారట.
Ram Charan Game Changer : రామ్ చరణ్ "గేమ్ ఛేంజర్".. ఫ్యాన్స్ వెయిటింగ్ ఇక్కడ..!
చెర్రీతో ప్రభాస్ మూవీ... స్వయంగా ప్రకటించిన డార్లింగ్.. ఫ్యాన్స్కు పండగే
