బాలీవుడ్ నటుడు కమల్ రషీద్ ఖాన్ను ముంబయి పోలీసులు అరెస్టు చేశారు. 2020లో చేసిన వివాదాస్పద ట్వీట్పై కేసు నమోదైంది. ఈ క్రమంలోనే కేఆర్కేను ముంబయి మిమానాశ్రయంలో మలాడ్ పోలీసులు అదుపులోకి తీసుకున్నారు. అతడి బోరివలి కోర్టులో హాజరుపరిచారు. దీంతో అతడిని విచారించిన న్యాయస్థానం కేఆర్కేను 14 రోజుల పాటు జ్యుడిషియల్ కస్టడీకి పంపించింది.
తనకు తాను సినీ విశ్లేషకుడినని చెప్పుకునే కేఆర్కే.. హిందీలో కొన్ని సినిమాలు చేసినా.. వాటి వల్ల ఆయనకు గుర్తింపు రాలేదు. అయితే సోషల్మీడియా ద్వారా ప్రముఖ బాలీవుడ్ హీరోలు సల్మాన్ ఖాన్, అజయ్ దేవ్గణ్, ఆమిర్ ఖాన్, షారుఖ్ ఖాన్.. ఇలా చాలా మంది హీరోలపై ఎప్పుడూ విమర్శలు చేస్తూ వెలుగులోకి వచ్చాడు. సినిమాలపై నెగటివ్ రివ్యూలు, కాంట్రవర్సీ ట్వీట్లు చేస్తూ మీడియాలో హాట్టాపిక్గా మారాడు. ఇటీవలే విడుదలై ఘనవిజయం సాధించిన 'ఆర్ఆర్ఆర' సినిమాపై కూడా నెగటివ్ కామెంట్లు చేసి విమర్శలను ఎదుర్కొన్నాడు. కాగా, గతంలో సల్మాన్, మనోజ్ బాజ్పాయ్ సహా పలువురు గతంలో అతడిపై కేసులు వేశారు.
ఇదీ చూడండి: బాలీవుడ్ స్టార్ హీరోయిన్తో శుభమన్ గిల్ డేటింగ్, మరి సచిన్ కుమార్తె పరిస్థితేంటో