ప్రేమోన్మాది ఘాతుకం.. ప్రియురాలిపై పదునైన ఆయుధంతో దాడి..

Boyfriend attack on girlfriend: హైదరాబాద్​లో ప్రేమోన్మాది దాడి కలకలం రేపింది. ఓయూ పరిధిలోని మంజీరా వసతి గృహం సమీపంలో యువకుడి ప్రియురాలిపై పదునైన ఆయధంతో దాడి చేశాడు. తోటి విద్యార్థులు స్పందించి ఆమెను ఆసుపత్రికి తరలించారు.

Boyfriend attack on girlfriend: ప్రేమోన్మాదులు రోజురోజుకూ రెచ్చిపోతున్నారు. ముషీరాబాద్​ బోలక్​పూర్​కు చెందిన రంజిత్​, అదే ప్రాంతానికి చెందిన మరో యువతి గత కొన్ని రోజులుగా ప్రేమించుకుంటున్నారు. ఇదే క్రమంలో వారు శనివారం సాయంత్రం ఉస్మానియా యూనివర్సిటీలోని మంజీరా హాస్టల్​ సమీపంలో కలుసుకున్నారు. ఇద్దరి మధ్య మాటా మాటా పెరిగి గొడవ జరగడంతో రంజిత్ పదునైన ఆయుధంతో యువతిపై దాడి చేశాడు.

ఘటనలో యువతి చేతికి బలమైన గాయమైంది. దాడి చేసిన అనంతరం రంజిత్​ అక్కడి నుంచి పరార్​ కాగా.. హాస్టళ్లలో ఉంటున్న విద్యార్థులు పోలీసులకు సమాచారం ఇచ్చారు. స్పందించిన పోలీసులు వెంటనే ఘటనా స్థలానికి చేరుకుని యువతిని ఓ ప్రైవేట్​ ఆసుపత్రికి తరలించారు. తప్పించుకున్న రంజిత్​పై కేసు నమోదు చేసి దర్యాప్తు చేస్తున్నట్లు ఓయూ ఇన్​స్పెక్టర్​ రమేశ్​​ నాయక్​ తెలిపారు.

ఇవీ చదవండి: