Komatireddy met Priyanka Gandhi: ఇటీవల కాంగ్రెస్ సీనియర్‌ నేతలు ఏఐసీసీ సెక్రటరీ ప్రియాంక గాంధీతో సమావేశం అవ్వగా... కోమటిరెడ్డి వెంకట్రెడ్డి గైర్హాజరయ్యారు. ఈ నైపథ్యంలో... నేడు ప్రియాంక గాంధీతో వెంకట్రెడ్డి సమావేశమయ్యారు. ప్రస్తుత పరిస్థితుల్లో పార్టీని ఎలా ముందుకు తీసుకెళ్లాలనే అంశాలపై చర్చించామని వెంకట్రెడ్డి తెలిపారు. దాదాపు 40 నిమిషాల పాటు సాగిన భేటీలో పార్టీకి సంబంధించిన చాలా విషయాలపై చర్చించామని ఆయన చెప్పారు. కాంగ్రెస్‌ను పటిష్ఠం చేసేందుకు ప్రియాంక గాంధీ పలు సూచనలు చేశారని తెలిపారు.
'ఏఐసీసీ జనరల్ సెక్రటరీ ప్రియాంకగాంధీతో దాదాపు 40 నిమిషాలు మాట్లాడడం జరిగింది. సుదీర్ఘంగా జరిగిన ఈ భేటీలో చాలా విషయాలు చర్చించాం. రాష్ట్రంలో పార్టీలో తాజాగా నెలకొన్న పరిస్థితులపైనా చర్చించాం. కొత్తగా ఇద్దరు జాయింట్ సెక్రటరీలను ఇవ్వడం జరిగింది. మీరందరూ టీమ్ వర్క్ చేయండని చెప్పారు. మీకు ఎక్కడ ఎలాంటి ఇబ్బందులు వచ్చినా నేరుగా నా దగ్గరికి రావొచ్చని అన్నారు. ప్రస్తుత పరిస్థితుల్లో పార్టీని ఎలా ముందుకు తీసుకెళ్లాలనే అంశాలపై చర్చించాం. ఈ రోజు ఒక అర్థవంతమైన సమావేశం జరిగింది. రాహుల్ గాంధీ భారత్ జోడో యాత్రపై మాట్లాడాం. కాంగ్రెస్‌ను పటిష్ఠం చేసేందుకు ప్రియాంక గాంధీ పలు సూచనలు చేశారు.'- కోమటిరెడ్డి వెంకట్రెడ్డి, కాంగ్రెస్ ఎంపీ
ఇవీ చదవండి:
