Flipkart Big Billion Days Sale 2023 : ఆన్లైన్ షాపింగ్ ప్రియులకు శుభవార్త అందించింది ఫ్లిప్కార్ట్. 'బిగ్ బిలియన్ డేస్ సేల్'తో భారీ ఆఫర్లను వినియోగదారులకు అందించనున్నట్లు తెలిపింది. ఈ మేరకు తన అధికారిక వైబ్సైట్ హోం పేజీలో కొన్ని టీజర్ పేజీలను పోస్ట్ చేసింది. ఈ టీజర్ పేజీలను బట్టి చూస్తే ప్రముఖ బ్రాండ్ మొబైళ్లపై భారీ ఆఫర్లే ఉండనున్నట్లు తెలుస్తోంది. అక్టోబర్లో వివిధ పండగలు రానున్న నేపథ్యంలో ఈ భారీ ఆఫర్లను ఫ్లిప్కార్ట్ ఇవ్వనున్నట్లు అర్థమవుతోంది.
ఫ్లిప్కార్ట్ టీజర్ పేజీల ఆధారంగా రియల్మీ, పోకో, వీవో, సామ్సంగ్, మోటరోలా ఇంకా ఇతర ప్రముఖ బ్రాండ్ మొబైళ్లపై భారీ ఆఫర్లు ఉండనున్నాయి. ఐఫోన్లపై కూడా భారీ డిస్కౌంట్లను ఇవ్వనుంది ఫ్లిప్కార్ట్. అయితే 'బిగ్ బిలియన్ డేస్ సేల్స్' ఏ తేదీ నుంచి ప్రారంభవుతాయో మాత్రం చెప్పలేదు ఫ్లిప్కార్ట్. అయితే.. అక్టోబర్ 1నుంచి 'బిగ్ బిలియన్ డేస్ సేల్' మొదలవుతాయని సమాచారం. ఈ బీబీడీ సేల్స్లో పలు కొత్త ఫోన్లు కూడా లాంఛ్ అవుతున్నాయి. ఫ్లిప్కార్ట్ వెబ్సైట్ ప్రకారం.. మొత్తం 6 కొత్త ఫోన్లు విడుదల కానున్నాయి.
ఫ్లిప్కార్ట్ బీబీడీ సేల్స్లో డిస్కౌంట్లు ఉండే ఫోన్లు ఇవే..
- శాంసంగ్ గెలాక్సీ ఎస్21 ఎఫ్ఈ(128 జీబీ)
- రియల్మీ సీ51
- శాంసంగ్ గెలాక్సీ ఎఫ్34 5జీ
- మోటరోలా జీ54 5జీ
- రియల్మీ 11ఎక్స్ 5జీ
- ఇన్ఫినిక్స్ జీరో 5జీ
- మోటో జీ84
- వీవో వీ29ఈ
- పోకో ఎమ్6 ప్రో 5జీ, ఇంకా మరిన్ని ఫోన్లపై డిస్కౌంట్లు ఉండనున్నాయి.
- ఈ సేల్కు ముందుగానే మోటో ఎడ్జ్ 40 నియో, వీవో టీ2 ప్రో ఫోన్లు విడుదల కానున్నాయి.
వీటితో పాటు ఈ బిగ్ బిలియన్ డేస్ సేల్స్లో వివిధ రకాల బెనిఫిట్స్ను కూడా ఇవ్వనుంది ఫ్లిప్కార్ట్. స్మార్ట్ఫోన్ల కొనుగోళ్లపై బ్యాంక్ డిస్కౌంట్లను అందించనుంది. ఫోన్లపై ఎక్స్ఛేంజ్ బోనస్లు కూడా ఇచ్చేందుకు సిద్ధమైంది. వీటితో పాటు నో కాస్ట్ ఈఎమ్ఐ సదుపాయం కూడా కల్పించనుంది. అధిక ధరతో ఎక్స్ఛేంజ్లకు సైతం ఫ్లిప్కార్ట్ హామీ ఇచ్చింది.
జీరో అవర్ సేల్..
ఈ బిగ్ బిలియన్ డేస్ సేల్స్లలో "జీరో అవర్"ను కూడా తీసుకువస్తుంది ఫ్లిప్కార్ట్. ఈ 'జీరో అవర్' సరిగ్గా ఉదయం 7 గంటలకు ప్రారంభవుతుంది. ఈ టైంలో కోనుగోళ్లపై అదనపు డీల్స్, రివార్డ్లను వినియోగదారులు పొందవచ్చు.
ATM Withdraw Issues : ఏటీఎంలో డబ్బులు రాలేదా..? బ్యాంకులు రోజుకు రూ.100 ఇవ్వాల్సిందే..!
